Служба Касимовским святым

Служба святым Касимовской земли,
совершаемая в воскресный день
в периоде с 11-го по 17-е ноября.
На «Господи воззвах»:
4 стихиры воскресны получившегося гласа.
Стихиры святым, глас 2-й:
Приидите вернии / песненныя похвалы воспоим / всем
святым Касимовския земли // и возрадуемся о небесней славе
их.
Молитеся о нас ко Господу / предстателие о нас теплейшии
// да избавимся осуждения вечнаго.
Царю славы Христе Боже / прославивый подвиги
Касимовских святых / приими моления их // о спасении душ
наших.
Глас 3-й:
Священномучениче Матфие / начаток святых Касимовския
земли / благослови сие наше торжество / да ч истым сердцем и
устнами // воспоим их подвиги.
Святии вси Касимовския земли /, ведомии и неведомии /
славу и радость небесную купно наследовавшии /, не презрите
земли, взрастившей вас / и нам грешным, ныне живущим на ней
/ Божие благословение испросите /, да поне вмале подвигом
вашим подражающе / узрим свет небесныя вашея славы / и
купно с вами прославим Спасителя нашего// воскресением
Своим ад и смерть умертвившаго.
Содержай во Своей власти вся концы земли Христе Боже/ и
просветивый я светом Твоего воскресения /: на нашу землю
милостивно призрел еси/, прияв в славу Твою подвижников ея /
и на земли их прославил еси / воскресение душ наших устрояя
памятию их // тех молитвами помилуй нас.
Слава, глас 4-й:
О, Троице Боже наш, / Отче, Сыне и Душе Святый /, просвети
нас светом Твоего Богоразумия /, да возможем
познати глубину терпения /, юже даровал еси святым Твоим/ и
достойно прославити подвиги их/ и подражательми быти им /,
славяще Тя, единаго истиннаго Бога, // дивнаго во святых
своих.
И ныне: догматик прилучившегося гласа.
Вход, прокимен дне: «Господь воцарися...»
Паремии общии мучеником. Общая минея, лист 240.
На литии стихира, глас 8-й.
Приидите, святых чтителие / приидите, лик составим /,
торжествующе и Бога прославляюще / в радостный праз дник
святых земли нашея / сии бо не уклонишася от скорби / ни
убояшася темницы /, тяжкими труды, гладом и студению
томимы/ и многовидными муками умершвляеми / души своя в
руце Господеви предаша, / и ныне в радости святых // молятся
Ему о сродницех и знаемых своих.
Слава, глас 4-й.
Днесь возсия нам священное торжество /, память святых
Касимовския земли /, принесших себе в жертву благоприятну
Богу, / и кротким исповеданием веры истинныя / до основания
потрясших твердыню безбожия / и укрепивших в православии
град наш. // Боже, молитвами их помилуй нас.
И ныне: богородичен, глас 4-й.
Свеще неугасимая, / Престоле праведный, / Пречистая
Владычице, // моли спастися душам нашим.
На стиховне стихиры воскресны.
Слава, глас 6:
Победителю смерти Иисусе / победивый безбо жие
подвигом святых Твоих, / победи побеждающий нас грех//, да
Тя с ними славим во веки.
И ныне: богородичен, глас 6-й.
Творец и Избавитель мой, Пречистая, / Христос Господь /
из Твоих ложесн прошед, / в мя оболкийся, / первыя клятвы
9
Адама свободи. / Темже Ти, Всечистая, / яко Божии Матери же
и Деве, / воистину вопием немолчно: / радуйся, ангельски, /
радуйся, Владычице, / предстательство и покрове, // и спасение
душ наших.
На благословение хлебов:
Богородице Дево, радуйся... - дважды.
Тропарь святым, глас 4-й:
Святии вси Касимовския земли, / знаемии и незнаемии, /
Владыку всех молите / мир и здравие подати нам // и
блаженства вечнаго наследие.
На «Бог Господь...» тропарь воскресный - дважды
Слава:
Святии вси Касимовския земли, / знаемии и незнаемии, /
Владыку всех молите / мир и здравие подати нам // и
блаженства вечнаго наследие.
И ныне:
Еже от века утаенное, / и ангелом несведомое таинство,/
тобою, Богородице, сущим на земли явися Бог, / в неслитном
соединении воплощаемь, / и Крест волею нас ради восприим,/
имже воскресив первозданнаго, // спасе от смерти души наша.
Величание:
Величаем вас/ вси святии земли нашея/ и чтим святую
память вашу:/ вы бо молите о нас//Христа Бога нашего.
Канон, глас 1. «Поим вси людие...»
Вси святии земли нашея, молите Бога о нас.
Владыко Христе, собравый от града Касимова и окрестных
весей добрую пшеницу в житницу Твою, новомученики и
исповедники Твоя, Тех молитвами всех нас помилуй.
Начаток
новомучеников
града
нашего
священномучениче Матфие, приведый к покаянию мучителя
твоего твердою верою твоею, научи и нас вере и покаянию во
спасение душ наших.
Слава... Священномучениче Даневский Николае! Якоже
святый Матфий от града нашего, тако и ты от окрестных весей
первое Христу Богу жертвенное приношение был еси. Молися с
ним купно о чтущих память вашу.
И ныне. Чистая Дево и Мати Божия, призвавшая к великому
подвигу блаженную страдалицу Матрону Анемнясевскую.
Сподоби и нас, коегождо по его силе, подвигом добрым
подвизатися во спасение душ наших.
Песнь 3-я. «Утверди мене, Христе...»
Блаженная исповеднице Матроно. Ты многия научила еси
благочестию и молитвенно укрепила еси всех пострадавших с
тобою. Не забуди и нас молитвами твоими и приведи в тихое
пристанище спасения.
Святый мучениче Павле, Лощинину украшение, делами
милосердия удостоивыйся мученическаго венца. Вразуми и нас
милостыню творити, да ею спасемся.
Слава: Священномучениче Александре, Маккавеевская
похвало! Славу мудрецев века сего презревый Царствия ради
Божия. Умудри и нас молитвами твоими улучити славу
небесную.
И ныне: Святых святая, Богородице всепетая, чаяние
языков и спасение верных, из тебе возсия Избавитель, и
Жизнодавец, и Господь: Егоже моли спаситися рабом твоим.
Кондак, глас 4-й:
Слава Православия/ и Российския земли похвала/
Касимовстии
новомученицы
и
исповедницы/
молите
прославльшаго вас славы Господа// спастися душам нашим.
Икос:
От горьких мучений и поругания в вечную славу
прешедшии, новым людем отечества вашего свидетельствуете,
яко истинна есть вера православная, даровавшая вам толикое
мужество и терпение. Укрепите и нас, слабых и немощных, да
верни будем призвавшему нас Господу, Егоже усердно молите
спастися душам нашим.
Седален, глас 6-й.
4
Христу нас ради пострадавшему/ верою мужественно
последовали есте/, новомученицы и исповедницы Касимовския
земли/. Сего ради ныне зрите славу воскресения Его/ и дар от
Него прияли есте/ за ны грешныя молитися/, да поне издалече
узрим дарованную вам славу// и восприимем сего ради радость
неизреченную.
Слава и ныне: Богородичен:
Вместилище Чистое света Пречистаго, пророцы Тя
премудро проповедаша: мученицы покланяются, святители
г
проповедают, монаси и простии, богатии и убозии, и всяк
возраст молят: спаси, Владычице, души наша.
Песнь 4-я «Велня тайна...»
Священномучениче Михаиле, пастырю Селищенский! Всем
бывый вся, да всяко некия спасеши. Призови всех нас святыми
твоими молитвами к спасительному пристанищу истинныя
веры.
Самобратнии священномученицы Илие и Константине, веси
Селищенския прозябение! Низпослите бл агословение небесное
на землю, породившую вас и освященную кровьми вашими.
Слава: Иную двоицу священномученик восхвалим:
г
г
г
г
Алексия Зарайскаго и Сергия Мягковскаго, да молитвами их
благоденствует град наш - отечество их.
И ныне: Владычице мира, Богородице, помози ми!
Прелукавый враг поглощает мя зельне лютыми воспоминании и
помышлении, иже oт Бога мя разлучают. Не остави убо мене,
ниже презри.
Песнь 5-я. «От нощи утреннююще...»
Священномучениче Касимовский Анатолие, принесый себе
в жертву Богу купно с чады твоими, и нас, чад твоих путем
подвига приведи к общему нашему Небесному Отцу.
Мучениче
Владимире,
Сергие
Исповедниче,
и
священномучениче Николае, святаго родителя чада святая!
Предстательством вашим сохраните семейства наша в мире,
единомыслии и твердей вере.
Слава: Святая мати Матроно! Ты благословила еси на
подвиг мученический списателей жития твоего - иерея Николая
и Владимира. Помози и коемуждо нас малый наш крест до
конца дней наших терпеливно понести и радость вечную
наследовати.
И ныне: Святых святая Дево Чистая, святых святаго родила
еси, всех освящающаго Христа избавителя и смерти
Победителя. Темже тя Царицу и Владычицу всех, яко Матерь
Зиждителя тварей, проповедуем.
Песнь 6-я: «Пророка спас еси от кита...»
Священномученика Николая, Погоста украшение, с
пасомыми ради блаженныя Матроны за Христа пострадавшаго
восхвалим, моляще его и их о спасении душ наших.
Святии мученицы: Григорие, Петре, Евсевие, Лаврентие,
Дорофее и Михаиле! Молите о нас всемилостиваго Спаса, да
вернии подобно вам пребудем Ему и внидем в радость
Воскресения Его.
Слава: Святии мученицы Александро, Татиано и Евдокие со
святыми исповедницами Анною, Татианою и Феклою, купно с
блаженною Матроною за Христа пострадавшии и славу
небесную улучившии, испросите и нам видети свет вашея
славы.
И ныне. Умерщвлен бысть враг Живоносным твоим
Плодом, Богоблагодатная: и попран бысть ад проявление, и иже
во узах свободихомся: темже вопию: страсти разруши сердца
моего.
Кондак и икос воскресные.
Песнь 7-я: «Образу служити...»
Свягаго священномученика Евгения, пастыря веси
Бетинския, Заречныя страны молитвенника восхвалим, вернии,
купно с ним Господеви поюще: превозносимый отцев и наш
Боже, благословен еси.
Святый
мучениче
Евгение,
церковнослужи телю
Митинский. Ты измлада Бога прославлял еси песньми и пеньми
духовными, и сего ради враги веры Христов ы смерти предаша
6
тя. И ныне ты на небесех ликуеши, Господеви поюще:
превозносимый отцев Боже благословен еси.
Слава: Принесена была еси пред судилище нечестивых, и
узы претерпела еси, славная Матроно, Христа, Творца всех и
Владыку, Бога Слова проповедающи и вопиющи Ему:
превозносимый отцев и наш, Боже, благословен еси.
И ныне: Чертог световидный, из негоже всех Владыка яко
жених произыде Христос, воспоим вси Деву Пречистую,
вопиюще Ему: превозносимый отцев и наш Боже, благословен
еси.
Песнь 8-я «В пламени огненне...»
Святаго праведнаго Петра Исповедника восхвалим. Аще бо
и в пределех Владимирских почивают мощи его, обаче начало
священнослужения его в земли Касимовстей бысть. Молися о
нас, святе, у престола Божия.
Святый исповедниче Александре, пастырю блаженныя
Матроны, егоже мощи на месте служения праотец его
почивают. Моли Бога о нас грешных, творящих святую память
твою.
Благословим... Святаго исповедника Сергия, во граде
Касимове мощами пребывающаго, даде Бог в Троице славимый
граду его покровителя и молитвенника о душах наших.
И ныне: Спасению виновнаго нам Господа рождши, моли о
всех, Дево всепетая, вопиющих прилежно: пойте Господа и
превозносите Его во веки.
Песнь 9-я: «Тебе светлую свещу...»
Святый исповедниче Сергие! В сей радостный и
спасительный день праздника подвигни Касимовских святых на
молитву о граде твоем, весях окрестных и людех, живущих в
них, да получим от Господа велию милость.
Святая мученице Веро, в женском естестве велие мужество
явившая. Внуши и нам мужество в исповедании веры и несении
креста нашего, да безбоязненно прейдем сень смертную и
узрим славу Воскресения Христова.
Слава: Дары Христу принесла еси в житии твоем, святая
Матроно, тяжкое злострадание твое и подвиг исповедничества.
Противу прияла еси небесное Царство и вечнующее
наслаждение, ихже причаститися и нас сподоби твоими к Богу
молитвами.
И ныне: О, паче ума чудес твоих! Ты бо Дево едина паче
солнца всем дала еси разумети новейшее чудо, всечистая,
твоего Рождества непостижимаго: темже тя вси величаем.
«Свят Господь Бог наш...»
Екзапостиларий воскресный
Слава:
Небо звездами украсивый, яко Бог, и сиянием славы
новопрославленных святых Твоих просветивый землю нашу,
Просветителю всяческих, поющия Тя спасай.
И ныне: богородичен октоиха.
На хвалитех стихиры воскресны и святым, глас 2 -й:
Помяни, Господи, муки многоразличныя/ имиже о Тебе
пострадаша страстотерпцы новии/ от рода нашего прозябшии/,
и приими моления их// о спасении душ наших.
(Стих: Проидохом сквозе огнь и воду/ - и извел еси ны в
покой)
Отверзл еси Судие праведный Царство Небесное/
исповедником земли нашея:/ услыши, Господи, правду их/ и
вонми молению их// о спасении душ наших.
(Стих: Разжегл ны еси / якоже разжизается сребро)
О, Троице пребожественная!/ возврати пленение душ
наших:/ вемы, яко умножися грех в стране нашей/, но и
благодать возсия/, укрепившая в подвизе новых святых/, иже и
молят Тя, Трисвятый Боже//, о спасении душ наших.
Слава: стихира евангельская
И ныне: Преблагословенна ecu Богородице Дево..., глас 2-й
На литургии служба общая
мученикам: ап. Рим. 99, Ев Лк.106.
8