Soliq fanidan mustaqil ish Yo’ldoshev Dilshodbek Kazus. Agar garovda turgan mulk koʻp qavatli binoda joylashgan kvartira boʻlsa, yer soligʻi boʻyicha majburiyatlar paydo boʻladimi? Yechim. Yangi tahrirdagi Soliq kodeksining 426-moddasi 12-bandiga asosan, koʻp kvartirali uylar egallagan (bundan yashash uchun moʻljallanmagan koʻchmas mulk obyektlari egallagan yer uchastkalari mustasno) yer uchastkalari soliq solish obyekti sifatida hisoblanmaydi. 2-Kazus. Soliq organlari tomonidan oʻtkazilgan soliq tekshiruvi yakuni boʻyicha qabul qilingan qarordan soliq toʻlovchi norozi boʻlgan taqdirda, u qayerga va qaynday tartibda shikoyat qilishi mumkin? Yechim. Soliq kodeksining 232-moddasiga asosan soliq organlarining sayyor soliq tekshiruvlari va soliq auditi natijalari boʻyicha qabul qilingan qarorlari ustidan shikoyat yuqori turuvchi soliq organiga qarorlari ustidan shikoyat qilinayotgan soliq organi orqali beriladi. Qarorlari ustidan shikoyat qilinayotgan soliq organi bunday ariza kelib tushgan kundan eʼtiboran uch kun ichida uni yuqori turuvchi soliq organiga barcha materiallar bilan birga yuborishi shart. Soliq organlarining sayyor soliq tekshiruvlari va soliq auditi natijalari boʻyicha qabul qilingan qarorlari ustidan shikoyat shaxs oʻz huquqlari buzilganligi toʻgʻrisida bilgan yoki bilishi kerak boʻlgan kundan eʼtiboran bir oy ichida berilishi mumkin. Ushbu muddat uzrli sababga koʻra oʻtkazib yuborilgan taqdirda, shikoyat berayotgan shaxsning iltimosnomasi boʻyicha yuqori turuvchi soliq organi tomonidan ushbu muddat tiklanishi mumkin. 3-Kazus. Toʻliq amortizatsiya qilingan binolar boʻyicha mol-mulk soligʻini qoʻllash qanday amalga oshiriladi? Yechim. Soliq kodeksining (yangi tahrirdagi) 412-moddasiga asosan, amortizatsiya qilingan bino boʻyicha uning uch yilda kamida bir marta aniqlanadigan qayta baholangan (bozor) qiymati mol-mulk soligʻi bazasi hisoblanadi. 4-Kazus. Mol-mulkka boʻlgan mulk huquqi kalendar yil mobaynida bir mulkdordan boshqasiga oʻtgan taqdirda, soliq kim tomonidan toʻlanadi? Yechim. Soliq avvalgi mulkdor tomonidan shu yilning 1-yanvaridan eʼtiboran u mol-mulkka boʻlgan mulk huquqini yoʻqotgan oyning boshlanishiga qadar, yangi mulkdor tomonidan esa, unda mulk huquqi vujudga kelgan oydan eʼtiboran toʻlanadi (Soliq kodeksining 423-moddasi)