http//t.me/yetakchi_kundaligi Chiroqchi tumani XTBga qarashli 84- umumiy o'rta ta'lim maktabida o'tkazilgan tadbir haqida.O‘zbekiston Respublikasi Mustaqilligining 30yilligi munosabati bilan “Yangi O‘zbekistonda erkin va farovon yashaylik!” shiori ostida o‘tkaziladigan tadbir SSENARIYSI Kirish O‘quvchilar maktab formasida. Maktab foyesi yoki zali (tadbir o‘tkaziladigan joy) bayramona milliy ramzlarimiz aks etgan holda bezalgan. 1-boshlovchi: Assalom,ulug` xalq,o`zbegim, Dili pok,qutlug` xalq,o`zbegim! Assalom,hur taqdir,istiqlol, Iqbolim,sharafim,o`zligim! 2-boshlovchi: Tong bilan yayraydi madhiyam, Porlaydi yuksakda quyoshim, Yo`l ko`rkam,el ko`rkam,dil ko`rkam, Karvoning boshlayver,yurtboshim! Shundan so‘ng O‘zbekiston Respublikasi Davlat Madhiyasi yangraydi. Salom qismi: 1) Quyoshdek shu’la sochgan, Bilimga keng yo‘l ochgan, Bizni erkalab quchgan Hamma: Sizgadir ushbu kalom Muallimlar assalom! 2) Kunday yorug‘ darsxona Biz farzandmiz, siz – ona Bo‘lib bizga parvona Hamma: Dilda ardoqli kalom Ona maktab assalom! 3) Tanitib yurt, jahonga, Erk bergan har insonga Qaytdik dinu iymonga Hamma: Dilda ardoqli kalom http//t.me/yetakchi_kundaligi Mustaqil yurt assalom! 1-boshlovchi: (Dastlab tadbirga taklif etilgan mehmonlarni tanishtiradi). Azizlar bugungi tadbirimizni ochib berish va Sizlarni bayram bilan qutlash uchun so‘zni maktabimiz direktori Sh. Abdiraimovga beramiz. .Marhamat. Maktab direktori: Aziz mehmonlar, qadrli ustozlar, ota-onalar va hurmatli o`quvchilar! O`zbekiston Respublikasi 1991-yil 1-sentabrdan buyon mustaqillik kunini doimo tantanali tarzda nishonlab kelmoqda. Mustaqillik –xalqimiz uchun asriy armon bo`lib kelayotgan edi. Uni qo`lga kiritish oson kechmadi.Mustaqillik uchun minglab dono va oqil kishilarimizdan judo bo`ldik.Xalqimizning ko`pgina suyukli farzandlari qatag`onlik qurbonlariga aylandi. O`zbekistonning mustaqillikka erishishining tarixiy ahamiyati juda katta. O`zbekiston mustaqillik tufayli qaramlikdan butunlay qutuldi.Erkin,ozod mamlakatga aylandi.O`zining yer osti va yer usti boyliklariga o`zi egalik qilish huquqini qo`lga kiritdi. O`zbekiston Respublikasi Mustaqillikning dastlabki kunlaridanoq o`z oldiga huquqiy demokratik davlat tuzish masalasini ko`ndalang qilib qo`ydi.Davlatimiz mustaqillik tufayli 30 yil davomida iqtisodiy,ijtimoiy,siyosiy sohalarda katta yutuqlarga erishdi.Milliy an`analar,qadriyatlar,tarixiy yodgorliklarimiz qayta tiklandi. Ta`lim sohasida ham ko`p o`zgarishlar yuz berdi. XXI asr, albatta, o`zbeklar asri bo`ladi va Siz yoshlar O‘zbekistonni dunyoga tanitishda, bayrog‘imizni jahon arenalarida baland ko‘tarishda asosiy kuch va tayanchimiz bo‘siz deb ishonaman. Barchalaringizga ishlaringizda,o`qishlaringizda muvaffaqiyat tilab qolaman. Barchangizga mustaqilligimizning 30 yillik ayyomi muborak bo‘lsin! 2-boshlovchi: Rahmat,ustoz,doimo sog‘ bo‘ling. Samimiy tilaklar va ishonch uchun Sizga o‘z minnatdorchiligimizni bildiramiz. 1 – boshlovchi: Istiqlol quyoshi nur sochgan zamonda bolalik gashtini surayotgan biz baxtiyor avlodmiz. 2 – boshlovchi: – Ha biz mustaqil O‘zbekiston farzandlarimiz. 1-boshlovchi: Mustaqil O`zbekiston! Qarang,bu so`z qanday yoqimli jaranglaydi. Ko`ngillarga oroyish-tahsin bag`ishlaydi. Shu birgina so`z zamirida qanchadan-qancha ma`no mujassam. Mustaqillik bizga osmondan sovg`a sifatida tushgani yo`q. Mustaqillik, erk uchun kurashgan qo`rqmas, mard, jasur ko`plab ajdodlarimiz o`z jonlarini vatan uchun fido qildilar. Ularning orzulari armonligicha qolib ketdi.Lekin ularning ruhlari tirik. Eslaysizmi,ular kimlar edi? http//t.me/yetakchi_kundaligi (“Cho`li Iroq”kuyi chalinadi.Sahnaga birin-ketin To`maris, Shiroq, Muqanna, Najmiddin Kubro, Mirzo Ulug`bek, Alisher Navoiy, Z.M.Bobur, Cho`lpon timsolidagi o`quvchilar kirib kelishadi). To`maris: Men, To`maris, olis moziydan Keldim sizning huzuringizga. Ajdodlarim dildan istagan Erkin, obod diyoringizga. Sadqa qildim yolg`iz farzandim, Ona xalqim va yurtim uchun. Bosh ko`tarsa,agar g`animlar, Zarb beraman yig`ib bor kuchim. Shiroq: Kimki Vatanimga ko`z olaytirsa, Yomon niyat bilan gar bossa qadam. Ko`zlari ko`r bo`lib,shal bo`lgusidir, Toabad badnom bo`lib,xor bo`lgusidir. Muqanna: Xalqqa ayting,men also o`lganim yo`q, Yov qo`lida taslim ham bo`lganim yo`q. Men elimning yuragida yashayman, Erk deganning tilagida yashayman. Najmiddin Kubro: U dunyo-bu dunyo Vatan bizga or, Dunyolarga sotmadik nomusimizni. Aziz vatandoshim,ayladik yodgor, Erksevarlik,yurtsevarlik qomusimizni. Amir Temur: Men yarim dunyoni darbadar kezdim, Bitta yurak bilan,bir qilich bilan. Dushmanni yurtimdan badarg`a etdim, Bitta oyoq bilan,bitta o`ch bilan. Taajjub noo`rin,gumonlar xato, Tavallo qilurman,amr qilurman. http//t.me/yetakchi_kundaligi Ostimda bir zamin,tepamda Xudo, Yakka-yu yagona Amir Temurman. Jaloliddin Manguberdi: Nomus uchun nomni emas,ruhni o`stir, Og`ir kunda yovdan qochgan yovga do`stdir. Yurt chorlasa,suvlarni kech,o`tlarga kir, Fidoyi bo`l,yurting uchun fidoyi bo`l. Mirzo Ulug`bek: Bag`rimda bo`y yetgan bo`z bolam, Mergan bolam,lochin ko`z bolam , Bo`g`zimga tig` urgan o`z bolam, Men dardimni kimga aytaman? Cho`lpon: G`ururi bo`g`ilib,erki yanchilgan, Xalqim taqdirini o`ylagan edim. Mustabid tuzimning tig`i sanchilgan, Ozodlik va erkni kuylagan edim. Ozod bo`larmikan o`zbegim,armon. Haqsizlik qurboni bo`lganman,Cho`lpon. Abdulla Qodiriy: Moziyga guvohdir “O`tgan kunlarim” Oromni bilmasdan oqshom,tunlarim. Zamondoshim edi Munavvar Qori, Zamonni titratdi Behbudiy zori. Davr qurbonimiz bizda yo`q gunoh, Otildik, bizlarga bo`lmadi guvoh. (Asta-sekin timsollar sahna ortiga chekinishadi) “Mendirman o‘sha” qo‘shig‘i (O.Nazarbekov) 1 – boshlovchi: – Bolalar, Vatan deganda nimani tushunasiz? 1 – o‘quvchi: – Vatan bu kindik qonimiz to‘kilgan tuproq 2 – o‘quvchi: – Vatan – bu beshigimiz, ko‘chamiz, uyimiz, turar joyimiz! 3 – o‘quvchi: – Vatan – bu muqaddas Ona tilimiz! 4 – o‘quvchi: – Vatan – bu buyuk millatimiz http//t.me/yetakchi_kundaligi 5 – o‘quvchi – Vatan – bu maktabimiz! 6 – o‘quvchi: – Vatan – bu ona tabiat in’om etgan barcha boyliklar va nozu ne’matlar! 2 – boshlovchi: – Mustaqillik deganda nimani tushunasiz? 7 – o‘quvchi: – Mustaqillik – o‘z erkiga ega bo‘lish, Vatan o‘zimizniki deganidir. 1 – boshlovchi: – Mustaqillik bizga nima berdi? 8 – o‘quvchi: – Mustaqillik tufayli ma’naviy qadriyatlarimiz tiklandi 9 – o‘quvchi: – Millatimizning o‘zligini, milliy g‘ururini himoya qilgan Fayzulla Xo‘jayev, Abdulla Qodiriy, Cho‘lpon, Fitrat, usmon Nosirlar xalqimizga qaytdi. 10 – o‘quvchi: – Dinimiz, milliy va ma’naviy boyliklarimiz, Navro‘z, Hayit bayramlarimiz, urf-odat, an’analarimiz, udumlarimiz, qadriyatlarimiz yana xalqimizga qaytdi. “Humo qushim” qo‘shig‘i (boshlang‘ich sinf o‘quvchilari ijrosida) “O‘zbegim” she’ri I – II bandi Tarixingdir ming asrlar Ichra pinhon o‘zbegim. Senga tengdosh Pomiru Oqsoch Tyanshon, O‘zbegim So‘ylasin Afrosiyobu So‘ylasun O‘rxun xati. Ko‘hna tarix shodasida Bitta marjon, o‘zbegim O‘zbekiston. Rasmiy nomi – O‘zbekiston Respublikasi. Poytaxti – Toshkent. Hududi – 448,9 ming km2 . Aholisi – 34 milliondan ortiq. Davlat tili – o‘zbek Pul birligi – so‘m Geografik joylashuvi – Markaziy Osiyodagi davlat Iqtisodi – asosan agrar davlat hisoblanadi. Sanoatning deyarli barcha tarmoqlari mavjud. O‘zbekistonga qo‘shni davlatlar: Shimolda Qozog‘iston, Janubda Turkmaniston va Afg‘oniston, Sharqda Qirg‘iziston va Tojikiston. (Xaritadan ko‘rsatiladi) SAHNA KO‘RINISHI “Til qudrati’ Muallif: Qadim zamonda ikki olim bo‘lgan ekan. Ular ikkalasi ham bir go‘zal, farishta qizga ko‘ngil qo‘yishibdi. Shunda qizning tog’asi ulardan: – Sizlarning farzand tarbiyasi haqidagi fikrlaringizni bilmoqchiman, – debdi Shunda birinchi olim: – Men farzandimga riyoziyotdan, falakiyotdan saboq bermoqchiman. Unga ajnabiy tillarni o‘rgataman, – debdi http//t.me/yetakchi_kundaligi Ikkinchi olim esa: – Men farzandimga avloddan – avlodga meros qoladigan asosiy boylik – ona tilimizni o‘rgataman. Ona tili uchun jon fido qilishni, tilga xiyonat qilmaslikni uqtirmoqchiman. unga o‘z ona tilimizda ertak, doston, qo‘shiqlar aytib beraman, – debdi Qizning otasi oqil va dono ekan. Unga ikkinchi olimning gapi ma’qul tushibdi va unga qarab: – Men seni o‘zimga kuyov qilaman, chunki: “Farzandga bilim o‘rgatishdagi sening fikring ma’qul”, – debdi Ha, til katta qudratga ega. “Ona tilim” she’ri Buyuk Temur jahon bo‘ylab O‘z dovrug‘in solgan tilim. Mir Alisher bobomlardan Meros bo‘lib qolgan tilim Bobur Mirzo she’rlaridan Rang va qiyos olgan tilim Shunday tildan tonar bo‘lsam Qiyma – qiyma bo‘lsin tilim Alla bo‘lib jaranglagan Ona tilim – jonu dilim – Bolalar, sizlar asosiy sanalarimizni bilasizmi? Bayroq, gerb, madhiya Davlatimiz ramzidir Mohiyatin anglamoq O‘g‘il – qizning farzidir. O‘zbekiston Respublikasining Davlat tili – o‘zbek tilidir. O‘zbekiston Respublikasi Konstitutsiyasi. 4 – moddasi O‘zbekiston Respublikasi Konstitutsiyasi 1992 yil 8 – dekabrda qabul qilingan. Unda fuqarolarning huquq, erkinlik va burchlari, O‘zbekiston Respublikasi kelajagi o‘z aksini topgan 1991-yil 31-avgust – O‘zbekiston Respublikasi mustaqil davlat deb e’lon qilindi. 1991-yil 1-sentabr – O‘zbekiston Respublikasining mustaqillik kuni deb hisoblanadi 1991-yil 18-noyabr – O‘zbekiston Respublikasi Davlat bayrog‘i qabul qilindi 1992-yil 10-dekabrda O‘zbekiston Respublikasi Davlat madhiyasi qabul qilindi. 1992 -yil 2-iyul O‘zbekiston Respublikasi Davlat gerbi qabul qilindi http//t.me/yetakchi_kundaligi 1989-yil 21-oktabrda O‘zbekiston Respublikasi Davlat tili – o‘zbek tili qabul qilindi. “Barkamol avlod” qo‘shig‘i (O.Nazarbekov) 1-boshlovchi: -Mana aziz mehmonlar, o‘quvchilar shuning bilan bugungi “Yangi O‘zbekistonda erkin va farovon yashaylik!” nomli tadbirimiz o‘z nihoyasiga yetdi. Barchangizni yana bir bor mustaqilligimizning 30 yilligi munosabati bilan muborakbod etamiz. 2-boshlovchi: – Biz o‘z tilak va istaklarimizni ushbu misralarda bayon etamiz: Asragin Ollohim O‘zbekistonni Kelajagi buyuk nurli bo‘stonni Sodiq farzandlarinh duolar qilar Tinchlik, osudalik hamrohing bo‘lar (M. Yusuf) “O‘zbekistonim” qo‘shig‘i (G.Mamazoitova)