Тэма: Хімічная прамысловасць. Мэта: сфарміраваць веды аб хімічнай прамысловасці і яе асноўных групах галін: горнахімічнай, асноўнай хіміі, хіміі арганічнага сінтэзу;працягнуць развіццё навыкаў самастойнай і групавой работы; развіваць уменні характарызаваць галіны хімічнай прамысловасці, тлумачыць прынцыпы размяшчэння прадпрыемстваў, прычыны хуткага развіцця хімічнай прамысловасці; вызначыць асноўныя раёны размяшчэння хімічнай прамысловасці ў свеце і РБ; выхоўваць у вучняў экалагічную культуру. Абсталяванне: карта “Хімічная прамысловасць свету”, атлас 8 кл.,; карта “Хімічная прамысловасць Свету”, падручнік. Ход урока. І Праверка дамашняга задання. Выкананне тэставых заданняў па тэме “Машынабудаванне”. 1.Машынабудаванне вырабляе прадукцыю: а) халадзільнікі; б) камп’ютэры; в) мэблю; г) самалёты. 2.У атрыманні сыравіны машынабудаванне звязана з : а) хімічнай прамысловасцю; б) энергетыкай; в) чорнай металургіяй. 3.Машынабудаванне мае цесныя сыравінныя сувязі: а) з харчовай; б) машынабудаўнічыя заводы цесна звязаны паміж сабой; в) з тэкстыльнай. 4.Прадпрыемствы па вытворчасці абсталявання для машынабудаванняразмешчаны: а) у цэнтрах чорнай металургіі; б) паблізу спажыўца; в) каля буйных марскіх партоў. 5.У раёнах спажывання размяшчаюцца: а) прадпрыемствы па выпуску сельскагаспадарчай тэхнікі; б) прадпрыемствы радыёэлектронікі; в) прадпрыемствы хімічнага абсталявання. 6.Прадпрыемствы па выпуску трактароў мэтазгодна размяшчаць: а) каля буйных марскіх партоў; б) у цэнтрах чорнай металургіі; в) у раёнах спажывання. 7.У раёнах спажывання размяшчаюцца: а) прадпрыемствы па вытворчасці абсталявання для хімічнай прамысловасці; б) аўтамабілебудаванне; в) вытворчасць камп’ютэраў. 8.Буйнейшым вытворцам аўтамабіляў з пералічаных ніжэй краін з’яўляецца: а) Паўднёвая Карэя; б) Вялікабрытанія; в) Японія. ІІПастаноўка мэты ўрока. ІІІ Актуалізацыя ведаў: Хімічная прамысловасць- адна з самых маладых галін.Вялікая роля належыць хімічнай прамысловасці ў развіцці сельскай гаспадаркі (мінеральныя ўгненні, ядахімікаты), вытворчасці тавараў народнага ўжытку ( мыйныя сродкі, фарбавальнікі, лакі ,фарбы, бытавыя хімікаты), паляпшэнні быту і жыцця людзей. Акрамя таго, хімічная прамысловасць з’яўляецца ахоўнікам усяго жывога на Зямлі. Яна выпускае лякарствы для чалавека і жывёл, сродкі аховы раслін, кіслоты і шчолачы для абясшкоджвання сцёкаў і ачысткі сцёкавых вод. ІV Кіраванне самастойнай дзейнасцю вучняў. Вучні працуюць у групах. Пытанні для 1 групы: 1.Якія мінеральныя рэсурсы служаць сыравінай для хімічнай прамысловасці? 2.Чым адрозніваецца хімічная прамысловасць ад іншых галін? 1. Вывучыце карту “Хім. Прамысловасць” і назавіце буйнейшыя раёны і цэнтры хім. прамысловасці. 4.* Чаму хімічная прамысловасць сканцэнтравана ў асноўным у развітых краінах? 5. Разглядзіце схему “Склад хімічнай прамысловасці” (рыс.788). Дапоўніце схему: якія галіны яшчэ належаць да хімічнай прамысловасці. Пытанні для 2 групы: 1. Асноўная прадукцыя хіміі арганічнага сінтэзу. 2. Што служыць сыравінай для хіміі арганічнага сінтэзу? 3.*Разгл. мал.81. Прывядзіце прыклады пластмасавых вырабаў.Складзіце схему “Выкарыстанне пластмас”. 4.Прывядзіце прыклады выкарыстання вырабаў хімічнай прамысловасці ў быце. 5.Якія фактары аказваюць уплыў на размяшчэнне прадпрыемстваў, якія спецыялізуюцца на арганічным сінтэзе. Пытанні для 3 групы: 1.Як называецца галіна, якая выпускае мінеральныя ўгнаенні? 2.Які фактар аказвае ўплыў на размяшчэнне прадпрыемстваў асноўнай хіміі? 3. З дапамогай карты вызначце, у якіх краінах Свету развіта хімічная прамысловасць? 4.Складзіце схему “Сувязь хімічнай прамысловасці з галінамі гаспадаркі”. 5.Якія экалагічныя праблемы ўзнікаюць у раёнах размяшчэння хімічных прадпрыемстваў? Шляхі іх вырашэння. VПраверка выканання заданняў. Абмен ведамі. VI Выніковы кантроль. 1 узровень (1-2 б.) Ці правільнае сцверджанне: а) Хімічная прамысловасць атрымлівае сыравіну з адходаў прамысловай вытворчасці; б) Сыравінай для хімічнай прамысловасці служыць нафта. 2 узровень (3-4 б.) Выберыце правільны адказ: 1. Хімічная прамысловасць пастаўляе сельскай гаспадарцы: а) гуму; б) удабрэнні; в) фарбавальнікі. 2. Галінамі хімічнай прамысловасці з’яўляюцца: а)горнахімічная; б)станкабудаванне; в)асноўная хімія;г)хімія арганічнага сінтэзу. 3 узровень (5-6 б.) Знайдзіце суадносіны: 1. 1) Хімія арганічнага сінтэзу а)яе прадукцыя пластмасы, хімічныя валокны, сінтэтычны каучук. 2) Асноўная хімія б)мінеральныя ўгнаенні. 2. 1)Хімія арганічнага сінтэзу а)прадпрыемствы размяшчаюцца ў раёнах развітой сельскай гаспадаркі і паблізу радовішчаў калійных солей,апатытаў 2)Вытворчасць мінеральных б)прадпрыемствы размяшчаюцца паблізу угнаенняў крыніц вады і буйных электрастанцый. 4 узровень (7-8 б.) У якім накірунку неабходна правесці змены ў хімічнай прамысловасці Беларусі, зыхадзячы з асаблівасцяў гэтай галіны? 5 узровень (9-10 б.) Прывядзіце доказы таго, што хімічная прамысловасць прадстаўляе пагрозу экалагічнай бяспецы. VII Падвядзенне вынікаў. Рэфлексія Пра што новае і цікавае вы даведаліся? Што спадабалася на ўроку больш? Пастаўце “+” у адпаведных месцах: мая праца праца настаўніка форма ўрока змест урока VIII Заданне на дом. §23