Книга Чинов присоединения к Православию Санкт-Петербург Синодальная типография 1895г Оглавление Чин како принимати приходящих ко православней церкви от римско-латинского вероисповедания Чин како принимати приходящих ко православней церкви от арменскаго вероисповедания Чин како принимати приходящих ко православней церкви от лютеранскаго вероисповедания Чин како принимати приходящих ко православней церкви от вероисповедания реформатскаго Чин како принимати приходящих ко православней церкви от иудейския веры ко святей нашей церкви Чин како принимати приходящих ко православней церкви от магометан ко святей нашей церкви Чин како принимати приходящих ко православней церкви от язычества ко святей нашей церкви Чин еже како миром помазати ко православней вере приходящих и церкви соборней соединяющих ЧИН како принимати приходящих ко православней церкви от римско-латинского вероисповедания Архиерей или иерей, приходящаго да испытает, како разумеет учение римско-латинския церкве: таже покажет ему отличие онаго отъ ученiя Православныя Церкве. По довольнем же испытании и наставлении, повелит ему исповедати вся грехи, елики от юности своея памятствует. Разрешения, по исповеди, не подаетъ ему. В час же присоединения поставляет его при входе в церковь. Архиерей, одеян в мантию, епитрахиль, омофор и митру, или иерей, одеянный в епитрахиль и фелонь, станет близь церковных дверей, и желающаго быти православным христианином вопрошает: Хощеши ли отрещися от погрешений и неправостей римско-латинскаго исповедания? Ответ: Хощу. Вопрошение: Хощеши ли приити в соединение веры православно-кафолическия? Ответ: Хощу. Тогда предстоятель благословляет его, глаголя: Во имя Отца, и Сына, и Святаго Духа. Аминь. И возложив руку на приклоненную главу его, диакону рекшу: Господу помолимся, и клиру: Господи, помилуй, чтет молитву сию: Господи Боже истины, призри на раба Твоего (имя), ищущаго прибегнути ко святей Твоей православней церкви и под кровом Ея сохранитися. Обрати его от заблуждения прежняго пути его ко истинней яже в Тя вере, и подаждь ему благодать, еже ходити в заповедех Твоих. Да будут очи Твои взирающе на него милостию выну, и уши твои, еже слышати глас моления его, и тако да сопричтится ко избранному Твоему стаду. Тя бо поютъ вся силы небесныя, и Твоя есть слава, Отца и Сына и Святаго Духа, во веки веков. Аминь. По молитве сей, вопрошает приемлимаго: Отрицаешся ли неправаго учения, аки бы для изображения догмата о исхождении Святаго Духа не довлеет Самаго Христа Спасителя изречение: Иже от Отца исходит, и аки бы потребно к сему слову Христову прибавление: и от Сына? Ответ: Отрицаюся. Вопрошение: Отрицаешся ли неправаго мнения, аки бы не довлеет исповедати Главою Вселенския Церкве Господа нашего Иисуса Христа, и аки бы глава всея Церкве есть римский епископ? Ответ: Отрицаюся. Вопрошение: Отрицаешися ли неправаго мнения, аки бы святии апостоли не равную власть духовную получиша от Господа нашего Иисуса Христа, но князем их бяше святый апостол Петр, и аки бы Имена присоединяемым должны быть нарекаемы общеупотребительныя православныя един римский епископ есть преемник его, и аки бы не суть равни римскому епископу преемницы апостольстии, епископи иерусалимский, антиохийский, александрийский и друзии? Ответ: Отрицаюсь. Вопрошение: Отступаеши ли от согласия с теми,иже римскаго папу мнят вышша быти Вселенских Соборов и непогрешима? Ответ: Отступаю от таковаго мнения. Вопрошение: Отрицаешися ли прочих учений латинскаго вероисповедания,древних и новых,яже слову Божию,истинному Преданию Церковному и определениям Седми вселенских Соборов противна суть? Ответ: Отрицаюся. Вопрошение: Желаеши ли убо соединитися Святей, Православней, Кафоличестей, Восточней Церкви? Ответ: Желаю от всего моего сердца. Вопрошение: Веруеши ли, и како,во Единаго Бога, в Троице славимаго, и поклоняешися ли Ему? Ответ: Верую во Единаго Бога, в Троице славимаго, Отца и Сына и Святаго Духа, и покланяюся Ему. И сотворив земной поклон, чтет символ веры. Посем предстоятель глаголет: Благословен Бог, просвещаяй всякаго человека, грядущаго в мир. И присоединяемого вопрошает: Правила апостольская и на седми Вселенских и девяти Поместных Соборех утвержденная, и прочая Православныя Церкве предания и уставы приемлеши ли? Ответ: Приемлю. Вопрошение: Исповедуеши ли, яко книги Божественнаго Писания, по разумению, еже содержит Православная Церковь, приимати и толковати подобает? Ответ: Приемлю и изъявляю, яко тако надлежит быти. Вопрошение: Веруеши ли, яко душам преставльшихся не огнь чистилищный что пользует, иже не существует, но великую ослабу и отраду приносят милостыни и молитвы за них, наипаче же Бескровная Жертва? Ответ: Верую и приемлю. Вопрошение: Исповедуеши ли, яко Церкви Православно-Кафоличестей Глава есть Господь наш Иисус Христос, и поставляемым от Духа Святаго пастырем обещаеши ли нелицемерное послушание? Ответ: Исповедую, и пастырем Церкве Православныя повиноватися обещаю. Посем предстоятель подает присоединяемому конец омофора, аще святитель, или конец епитрахили, аще иерей, и глаголет: Вниди в Церковь Православную, и совершенно отринув заблуждения, в нихже был еси, чти Отца Вседержителя, Сына Его Иисуса Христа, и Духа Святаго, иже от Отца исходит, Троицу единосущную и нераздельную. И тако введ, поставляет его пред амвоном, идеже на столе положени суть Крест и Евангелие. Идущим же им, поется псалом 66: Боже, ущедри ны и благослови ны, просвети лице Твое на ны и помилуй ны: познати на земли путь Твой, во всех языцех спасение Твое. Да исповедятся Тебе людие, Боже: да исповедятся Тебе людие вси. Да возвеселятся и да возрадуются языцы: яко судиши людем правостию и языки на земли наставиши. Да исповедятся Тебе людие, Боже, да исповедятся Тебе людие вси. Земля даде плод свой: благослови ны, Боже Боже наш, благослови ны, Боже: и да убоятся Его вси концы земли. Таже предстоятель повелит ему колена преклонити и глаголет сам стихи сия: Посли Дух Твой, и созиждутся, и обновиши лице Земли. Спаси раба Твоего, Боже мой, уповающаго на Тя. Буди ему, Господи, столп крепости от лица вражия. Господи, услыши молитву мою, и вопль мой к Тебе да приидет. По изглаголании, диакону рекшу: Господу помолимся, и клиру: Господи, помилуй, чтет со умилением молитву сию: Господи Боже Вседержителю, согрешающим образы покаяния предлагаяй и заблуждшим путь правый показуяй, во еже бы ни единому погибнути, но всем мощно бе спастися. Благодарим Тя , яко и сему рабу Твоему (имярек) возсиял еси свет познания Твоея истины, и сподобил еси его ко святей Твоей Православно-Кафоличестей Церкви прибегнути. Даждь убо ему соединитися оней нелицемерно и невозвратно: сопричти его избранному Твоему стаду: сотвори его сосуд честен и жилище Святаго Твоего Духа, яко да тем всегда просвещаем и наставляем, спасительныя заповеди Твоя нерушимо соблюдет, и тако небесных Твоих благих восприятия сподобится. Ты бо еси Бог милости и щедрот и человеколюбия, и Тебе славу возсылаем, Отцу и Сыну и Святому Духу, ныне и присно и во веки веков. Аминь. По молитве повелевает ему возстати, глаголя: Стани добре, стани со страхом, и пред Евангелием и святым Крестом Спасителя утверди данное тобою обещание. Он же, возстав, речет: Веру православно-кафолическую, юже ныне добровольне исповедую, целу и ненарушиму даже до конечнаго моего издыхания, Богу помогающу, твердо содержати, и заповеди ея радетельно и радостно исполняти потщуся, соблюдая в непорочности, елико мощно сердце мое. Во уверение сего моего обещания целую словеса и Крест Спасителя моего. Аминь. По лобызании, предстоятель глаголет: Благословен Бог, хотяй всем человеком спастися и в разум истины приити, сый благословен во веки. Клир: Аминь. Посем глаголет: Преклони колена Твоя пред Господем Богом, егоже исповедал еси, и приимеши оставление грехов твоих. Преклоншу ему колена и главу, предстоятель разрешает его, сице: Господь наш Иисус Христос, ключи царствия небеснаго апостоломъ вручивый, и давый им и их преемником власть вязати и решити грехи человековъ, чрез мене, недестойнаго архиерея (иерея), прощает тя, чадо (имярек), и разрешаетъ от связания клятвеннаго или запрещения, и от всех грехов твоих. И аз, данною мне от Него властию, присоединяю тя ко православней Церкви и привожду ко общению божественных Таинств церковных, и благословляю тя Именем Отца и Сына и Святаго Духа. Аминь. Посем присоединенный станет, ожидая литургии, или аще не бе миром знаменан, миропомазания. ЧИН како принимати приходящих ко православней церкви от арменскаго вероисповедания По испытании, наставлении и исповеди приходящаго прежде разрешения грехов ему, поставляет его предстоятель при дверех церковных и вопрошает: Хощеши ли отрещися отъ погрешений и неправостей армянского вероисповедания? Ответ: Хощу. Вопрошение: Хощеши ли приити в соединение веры православно-кафолическия? Ответ: Хощу. Тогда предстоятель благословляет его, глаголя: Во имя Отца,и Сына,и Святаго Духа,Аминь. И возложив руку на приклоненную главу его, диакону рекшу: Господу помолимся, и клиру: Господи, помилуй, чтет молитву сию: Господи Боже истины, призри на раба Твоего (имя), ищущаго прибегнути ко святей Твоей православней церкви и под кровом Ея сохранитися. Обрати его от заблуждения прежняго пути его ко истинней яже в Тя вере, и подаждь ему благодать, еже ходити в заповедех Твоих. Да будут очи Твои взирающе на него милостию выну, и уши твои, еже слышати глас моления его, и тако да сопричтится ко избранному Твоему стаду. Тя бо поютъ вся силы небесныя, и Твоя есть слава, Отца и Сына и Святаго Духа, во веки веков. Аминь. По молитве сей, вопрошает приемлимаго: Отрицаешся ли неправаго мнения, аки бы в Господе нашем Иисусе Христе не два суть естества, Божеское и человеческое, но единое, поглощену бывшу Божеским естеству человеческому? Ответ: Отрицаюся. Вопрошение: Желаеши ли убо соединитися Святей, Православней, Кафоличестей, Восточней Церкви? Ответ: Желаю от всего моего сердца. Вопрошение: Веруеши ли, и како, во Единаго Бога, в Троице славимаго, и поклоняешися ли Ему? Ответ: Верую во Единаго Бога, в Троице славимаго, Отца и Сына и Святаго Духа, и покланяюся Ему. И сотворив земной поклон, чтет символ веры. Посем предстоятель глаголет: Благословен Бог, просвещаяй всякаго человека, грядущаго в мир. И присоединяемого вопрошает: Имена присоединяемым должны быть нарекаемы общеупотребительныя православныя Чтиши ли соборы Вселенския: Халкидонский, Константинопольский 2-ой, Константинопольский 3-й, Никейский 2-ой, и приемлиши ли утвержденныя сими соборы догматы и правила? Ответ: Почитаю и приемлю. Вопрошение: Святейшему Патриарху и православным архипастырем, яко преемником апостольским, от Святаго Духа поставленным, обещаеши ли достодолжное почитание и в делех духовных послушание? Ответ: Обещаю от искренняго сердца. Посем предстоятель подает присоединяемому конец омофора, аще святитель, или конец епитрахили, аще иерей, и глаголет: Вниди в Церковь Православную, и совершенно отринув заблуждения, в нихже был еси, чти Отца Вседержителя, Сына Его Иисуса Христа, и Духа Святаго, иже от Отца исходит, Троицу единосущную и нераздельную. И тако введ, поставляет его пред амвоном, идеже на столе положени суть Крест и Евангелие. Идущим же им, поется псалом 66: Боже, ущедри ны и благослови ны, просвети лице Твое на ны и помилуй ны: познати на земли путь Твой, во всех языцех спасение Твое. Да исповедятся Тебе людие, Боже: да исповедятся Тебе людие вси. Да возвеселятся и да возрадуются языцы: яко судиши людем правостию и языки на земли наставиши. Да исповедятся Тебе людие, Боже, да исповедятся Тебе людие вси. Земля даде плод свой: благослови ны, Боже Боже наш, благослови ны, Боже: и да убоятся Его вси концы земли. Таже предстоятель повелит ему колена преклонити и глаголет сам стихи сия: Посли Дух Твой, и созиждутся, и обновиши лице Земли. Спаси раба Твоего, Боже мой, уповающаго на Тя. Буди ему, Господи, столп крепости от лица вражия. Господи, услыши молитву мою, и вопль мой к Тебе да приидет. По изглаголании, диакону рекшу: Господу помолимся, и клиру: Господи, помилуй, чтет со умилением молитву сию: Господи Боже Вседержителю, согрешающим образы покаяния предлагаяй и заблуждшим путь правый показуяй, во еже бы ни единому погибнути, но всем мощно бе спастися. Благодарим Тя, яко и сему рабу Твоему (имярек) возсиял еси свет познания Твоея истины, и сподобил еси его ко святей Твоей Православно-Кафоличестей Церкви прибегнути. Даждь убо ему соединитися оней нелицемерно и невозвратно: сопричти его избранному Твоему стаду: сотвори его сосуд честен и жилище Святаго Твоего Духа, яко да тем всегда просвещаем и наставляем, спасительныя заповеди Твоя нерушимо соблюдет, и тако небесных Твоих благих восприятия сподобится. Ты бо еси Бог милости и щедрот и человеколюбия, и Тебе славу возсылаем, Отцу и Сыну и Святому Духу, ныне и присно и во веки веков. Аминь. По молитве повелевает ему возстати, глаголя: Стани добре, стани со страхомъ, и пред Евангелием и святым Крестом Спасителя утверди данное тобою обещание. Он же, возстав, речет: Веру православно-кафолическую, юже ныне добровольне исповедую, целу и ненарушиму даже до конечнаго моего издыхания, Богу помогающу, твердо содержати, и заповеди ея радетельно и радостно исполняти потщуся, соблюдая в непорочности, елико мощно сердце мое. Во уверение сего моего обещания целую словеса и Крест Спасителя моего. Аминь. По лобызании, предстоятель глаголет: Благословен Бог, хотяй всем человеком спастися и въ разум истины приити, сый благословен во веки. Клир: Аминь. Посем глаголет: Приклони колена Твоя пред Господем Богом, егоже исповедал еси, и приимеши оставление грехов твоих. Приклоншу ему колена и главу, предстоятель разрешает его, сице: Господь наш Иисус Христос, ключи царствия небеснаго апостолом вручивый, и давый им и их преемником власть вязати и решити грехи человечков, чрез мене, недостойнаго архиерея (иерея), прощает тя, чадо (имярек), и разрешает от связания клятвеннаго или запрещения, и от всех грехов твоих. И аз, данною мне от Него властию, присоединяю тя ко православней Церкви и привожду ко общению божественных Таинств церковных, и благословляю тя Именем Отца и Сына и Святаго Духа. Аминь. Посем присоединенный станет, ожидая Литургии, или аще бе миром знаменан, миропомазания. ЧИН како принимати приходящих ко православней церкви от лютеранскаго вероисповедания Предстоятель, по надлежащем испытании и наставлении, приходящего, повелит ему исповедати вся грехи, елики помнит. Разрешения не подает ему. В час же присоединения поставит его при входе во храм, и сам, в малом облачении, став пред ним, вопрошает его: Хощеши ли отрещися от погрешений и неправостей учения лютеранскаго исповедания? Ответ: Хощу. Вопрошение: Хощеши ли приити в соединение веры православно-кафолическия? Ответ: Хощу. Тогда предстоятель благословляет его, глаголя: Во имя Отца,и Сына,и Святаго Духа. Аминь. И возложив руку на приклоненную главу его, диакону рекшу: Господу помолимся, и клиру: Господи, помилуй, чтет молитву сию: Господи Боже истины,призри на раба Твоего (имя), ищущаго прибегнути ко святей Твоей православней церкви и под кровом Ея сохранитися. Обрати его от заблуждения прежняго пути его ко истинней яже в Тя вере, и подаждь ему благодать, еже ходити в заповедех Твоих. Да будут очи Твои взирающе на него милостию выну, и уши твои, еже слышати глас моления его, и тако да сопричтится ко избранному Твоему стаду. Тя бо поютъ вся силы небесныя, и Твоя есть слава, Отца и Сына и Святаго Духа, во веки веков. Аминь. По молитве сей, вопрошаетъ приемлимаго: Отрицаешся ли неправаго учения, аки бы для изображения догмата о исхождении Святаго Духа не довлеет Самаго Христа Спасителя изречение: Иже от Отца исходит, и аки бы потребно к сему слову Христову прибавление: и от Сына? Ответ: Отрицаюся. Вопрошение: Отрицаеши ли неправое мнение, аки бы в Таинстве Евхаристии хлеб не прелагается в Тело Христово и не пребывает Телом Христовым, и вино не прилагается в Кровь Христову и не пребывает Кровью Христовою? Ответ: Отрицаюся. Вопрошение: Отрицаешися ли ложнаго учения, аки для спасения довлеет имети токмо веру, и нет нужды ни в таинствах, ни в добрых делах? Ответ: Отрицаюся. Вопрошение: Оставляеши ли последование лжеучителем, иже отвергают пять Таинств: Миропомазание, Покаяние, Брак, Елеосвящение и самое Священство, без негоже несть и чин Имена присоединяемым должны быть нарекаемы общеупотребительныя православныя священнослужительский, и дерзают совершати на токмо Крещение, но и Евхаристию, не имуще преемственнаго от святых апостол иерархическаго рукоположения? Ответ: Оставляю таких лжеучителей. Вопрошение: Отступаеши ли от согласия с лжеучительми, иже не приемлют священнаго Предания, не чтут святых Божиих и поминовение усопших отвергают? Ответ: Отступаю невозвратно от сих лжеучителей и их лжеучений. Вопрошение: И прочих неправых учений, в лютеранстем исповедании содержимых, отрицаешися ли? Ответ: Отрицаюся. Вопрошение: Желаеши ли убо соединитися Святей, Православней, Кафоличестей, Восточней Церкви? Ответ: Желаю от всего моего сердца. Вопрошение: Веруеши ли, и како, во Единаго Бога, в Троице славимаго, и поклоняешися ли Ему? Ответ: Верую во Единаго Бога, в Троице славимаго, Отца и Сына и Святаго Духа, и покланяюся Ему. И сотворив земной поклон, чтет символ веры. Посем предстоятель глаголет: Благословен Бог, просвещаяй всякаго человека, грядущаго в мир. И присоединяемого вопрошает: Апостольская правила и другая, на Седми Вселенских и Девяти Поместных Соборех постановленная, и прочая Православныя Церкви предания и уставы приемлиши ли? Ответ: Приемлю. Вопрошение: Обещаешися ли Священное Писание по истолкованию, еже предаша нам Отцы и Учителие Церковнии, и еже собержит Православная Церковь, испытовати и уразумевати? Ответ: Обещаюся и потщуся. Вопрошение: Веруеши ли, яко в Церкви Своей святей Господь наш Иисус Христос учредил Таинств седмь, яко необходимых: Крещение, Миропомазание, Причащение, Покаяние, Священство, Брак и Елеосвящение, чрез нихже подаваемою благодатию вернии раби Христовы бывают наследницы жизни вечныя? Ответ: Сице о святых Таинствах верую, и оная седмь в Церкви Божией, ко спасению чад Ея, необходимыми исповедую. Вопрошение: Веруеши ли, яко в Евхаристии, под таинственными виды хлеба и вина, причащаются вернии Тела и Крове Господа нашего Иисуса Христа во оставление грехов и в жизнь вечную? Ответ: Верую и исповедую. Вопрошение: Веруеши ли, яко молитвы святых действуют пред Богом во спасение наше, и мощи их, нетлением и чудесы прославленныя, достойны суть чествования? Ответ: Верую и исповедую. Вопрошение: Обещаеши ли иконы святые, в Православной Церкви принимаемые, по разуму Ея почитати, относя чествование им к первообразному, ими изображенному? Ответ: Обещаю чествовати, как в Православной Церкви заповедано. Вопрошение: Веруеши ли ты, что Христос есть Глава Церкви, и Он дал есть пастырям Ея власть вязати и решити грехи человеков, благодатию Святаго Духа, рек апостолом: Приимите Дух Свят. Имже отпустите грехи, отпустятся им: и имже держите, держатся? Ответ: Верую, и послушание священноначалию церковному обещаю. Вопрошение: Сие, что изрек ты, от всей ли души твоей и от всего помышления твоего исповедуеши, не принуждением ли к христианской вере приходиши, и от свободнаго ли произволения желаеши ли присоединитися ко Святей Церкви? Ответ: Истинно все, что аз изрек, сие исповедую, и содержати до конца жития моего содержати потщуся, нелицемерно ко христианстей вере прихожду и присоединитися ко святей Церкви желаю. Посем предстоятель подает присоединяемому конец омофора, аще святитель, или конец епитрахили, аще иерей, и глаголет: Вниди в Церковь Православную, и совершенно отринув заблуждения, в нихже был еси, чти Отца Вседержителя, Сына Его Иисуса Христа, и Духа Святаго, иже от Отца исходит, Троицу единосущную и нераздельную. И тако введ, поставляет его пред амвоном, идеже на столе положени суть Крест и Евангелие. Идущим же им, поется псалом 66: Боже, ущедри ны и благослови ны, просвети лице Твое на ны и помилуй ны: познати на земли путь Твой, во всех языцех спасение Твое. Да исповедятся Тебе людие, Боже: да исповедятся Тебе людие вси. Да возвеселятся и да возрадуются языцы: яко судиши людем правостию и языки на земли наставиши. Да исповедятся Тебе людие, Боже, да исповедятся Тебе людие вси. Земля даде плод свой: благослови ны, Боже Боже наш, благослови ны, Боже: и да убоятся Его вси концы земли. Таже предстоятель повелит ему колена преклонити и глаголет сам стихи сия: Посли Дух Твой, и созиждутся, и обновиши лице Земли. Спаси раба Твоего, Боже мой, уповающаго на Тя. Буди ему, Господи, столп крепости от лица вражия. Господи, услыши молитву мою, и вопль мой к Тебе да приидет. По изглаголании, диакону рекшу: Господу помолимся, и клиру: Господи, помилуй, чтет со умилением молитву сию: Господи Боже Вседержителю, согрешающим образы покаяния предлагаяй и заблуждшимъ путь правый показуяй, во еже бы ни единому погибнути, но всемъ мощно бе спастися. Благодарим Тя, яко и сему рабу Твоему (имярек) возсиял еси свет познания Твоея истины, и сподобил еси его ко святей Твоей Православно-Кафоличестей Церкви прибегнути. Даждь убо ему соединитися оней нелицемерно и невозвратно: сопричти его избранному Твоему стаду: сотвори его сосуд честен и жилище Святаго Твоего Духа, яко да тем всегда просвещаем и наставляем, спасительныя заповеди Твоя нерушимо соблюдет, и тако небесных Твоих благих восприятия сподобится. Ты бо еси Богъ милости и щедрот и человеколюбия, и Тебе славу воссылаем, Отцу и Сыну и Святому Духу, ныне и присно и во веки веков. Аминь. По молитве повелевает ему возстати, глаголя: Стани добре, стани со страхом, и пред Евангелием и святым Крестом Спасителя утверди данное тобою обещание. Он же, возстав, речет: Веру православно-кафолическую, юже ныне добровольне исповедую, целу и ненарушиму даже до конечнаго моего издыхания, Богу помогающу, твердо содержати, и заповеди ея радетельно и радостно исполняти потщуся, соблюдая в непорочности, елико мощно сердце мое. Во уверение сего моего обещания целую словеса и Крест Спасителя моего. Аминь. По лобызании, предстоятель глаголет: Благословен Бог, хотяй всем человеком спастися и въ разум истины приити, сый благословен во веки. Клир: Аминь. Посем глаголет: Преклони колена Твоя пред Господем Богом, егоже исповедал еси, и приимеши оставление грехов твоих. Преклоншу ему колена и главу, предстоятель разрешает его, сице: Господь наш Иисус Христос, ключи царствия небеснаго апостолом вручивый, и давый им и их преемником власть вязати и решити грехи человечков, чрез мене, недестойнаго архиерея (иерея), прощает тя, чадо (имярек), и разрешает от связания клятвеннаго или запрещения, и от всех грехов твоих. И аз, данною мне от Него властию, присоединяю тя ко православней Церкви и привожду ко общению божественных Таинств церковных, и благословляю тя Именем Отца и Сына и Святаго Духа. Аминь. Посем присоединенный станет, ожидая миропомазания. ЧИН како принимати приходящих ко православней церкви от вероисповедания реформатскаго По испытании, наставлении и исповеди, без разрешения грехов присоединяемаго, предстоятель, поставив его при входе во храм, вопрошает: Хощеши ли отрещися от неправаго вероисповедания реформатскаго? Ответ: Хощу. Вопрошение: Хощеши ли приити в соединение веры православно-кафолическия? Ответ: Хощу. Тогда предстоятель благословляет его, глаголя: Во имя Отца, и Сына, и Святаго Духа. Аминь. И возложив руку на приклоненную главу его, диакону рекшу: Господу помолимся, и клиру: Господи, помилуй, чтет молитву сию: Господи Боже истины,призри на раба Твоего (имя), ищущаго прибегнути ко святей Твоей православней церкви и под кровом Ея сохранитися. Обрати его от заблуждения прежняго пути его ко истинней яже в Тя вере, и подаждь ему благодать, еже ходити в заповедех Твоих. Да будут очи Твои взирающе на него милостию выну, и уши твои, еже слышати глас моления его, и тако да сопричтится ко избранному Твоему стаду. Тя бо поютъ вся силы небесныя, и Твоя есть слава, Отца и Сына и Святаго Духа, во веки веков. Аминь. По молитве сей, вопрошаетъ приемлимаго: Отрицаешся ли неправаго учения, аки бы для изображения догмата о исхождении Святаго Духа не довлеет Самаго Христа Спасителя изречение: Иже от Отца исходит, и аки бы потребно к сему слову Христову прибавление: и от Сына? Ответ: Отрицаюся. Вопрошение: Отрицаеши ли ложного учения, аки бы предопределение человеков ко спасению, или отвержение их бывает не по божественному ? Ответ: Отрицаюся. Вопрошение: Отрицаешися ли ложнаго учения, аки для спасения довлеет имети токмо веру, и нет нужды ни в таинствах, ни в добрых делах? Ответ: Отрицаюся. Вопрошение: Оставляеши ли последование лжеучителем, иже отвергают пять Таинств: Миропомазание, Покаяние, Брак, Елеосвящение и самое Священство, без негоже несть и чин священнослужительский, и дерзают совершати на токмо Крещение, но и Евхаристию, не имуще преемственнаго от святых апостол иерархическаго рукоположения? Имена присоединяемым должны быть нарекаемы общеупотребительныя православныя Ответ: Оставляю таких лжеучителей. Вопрошение: Отступаеши ли от согласия с лжеучительми, иже не приемлют священнаго Предания, не чтут святых Божиих и поминовение усопших отвергают? Ответ: Отступаю невозвратно от сих лжеучителей и их лжеучений. Вопрошение: И прочих неправых учений, в лютеранстем исповедании содержимых, отрицаешися ли? Ответ: Отрицаюся. Вопрошение: Желаеши ли убо соединитися Святей, Православней, Кафоличестей, Восточней Церкви? Ответ: Желаю от всего моего сердца. Вопрошение: Веруеши ли, и како, во Единаго Бога, в Троице славимаго, и поклоняешися ли Ему? Ответ: Верую во Единаго Бога, в Троице славимаго, Отца и Сына и Святаго Духа, и покланяюся Ему. И сотворив земной поклон, чтет символ веры. Посем предстоятель глаголет: Благословен Бог, просвещаяй всякаго человека, грядущаго в мир. И присоединяемого вопрошает: Апостольская правила и другая, на Седми Вселенских и Девяти Поместных Соборех постановленная, и прочая Православныя Церкви предания и уставы приемлиши ли? Ответ: Приемлю. Вопрошение: Обещаешися ли Священное Писание по истолкованию, еже предаша нам Отцы и Учителие Церковнии, и еже собержит Православная Церковь, испытовати и уразумевати? Ответ: Обещаюся и потщуся. Вопрошение: Веруеши ли, яко в Церкви Своей святей Господь наш Иисус Христос учредил Таинств седмь, яко необходимых: Крещение, Миропомазание, Причащение, Покаяние, Священство, Брак и Елеосвящение, чрез нихже подаваемою благодатию вернии раби Христовы бывают наследницы жизни вечныя? Ответ: Сице о святых Таинствах верую, и оная седмь в Церкви Божией, ко спасению чад Ея, необходимыми исповедую. Вопрошение: Веруеши ли, яко в Евхаристии, под таинственными виды хлеба и вина, причащаются вернии Тела и Крове Господа нашего Иисуса Христа во оставление грехов и в жизнь вечную? Ответ: Верую и исповедую. Вопрошение: Веруеши ли, яко молитвы святых действуют пред Богом во спасение наше, и мощи их, нетлением и чудесы прославленныя, достойны суть чествования? Ответ: Верую и исповедую. Вопрошение: Обещаеши ли иконы святые, в Православной Церкви принимаемые, по разуму Ея почитати, относя чествование им к первообразному, ими изображенному? Ответ: Обещаю чествовати, как в Православной Церкви заповедано. Вопрошение: Веруеши ли ты, что Христос есть Глава Церкви, и Он дал есть пастырям Ея власть вязати и решити грехи человеков, благодатию Святаго Духа, рек апостолом: Приимите Дух Свят. Имже отпустите грехи, отпустятся им: и имже держите, держатся? Ответ: Верую, и послушание священноначалию церковному обещаю. Вопрошение: Сие, что изрек ты, от всей ли души твоей и от всего помышления твоего исповедуеши, не принуждением ли к христианской вере приходиши, и от свободнаго ли произволения желаеши ли присоединитися ко Святей Церкви? Ответ: Истинно все, что аз изрек, сие исповедую, и содержати до конца жития моего содержати потщуся, нелицемерно ко христианстей вере прихожду и присоединитися ко святей Церкви желаю. Посем предстоятель подает присоединяемому конец омофора, аще святитель, или конец епитрахили, аще иерей, и глаголет: Вниди в Церковь Православную, и совершенно отринув заблуждения, в нихже был еси, чти Отца Вседержителя, Сына Его Иисуса Христа, и Духа Святаго, иже от Отца исходит, Троицу единосущную и нераздельную. И тако введ, поставляет его пред амвоном, идеже на столе положени суть Крест и Евангелие. Идущим же им, поется псалом 66: Боже, ущедри ны и благослови ны, просвети лице Твое на ны и помилуй ны: познати на земли путь Твой, во всех языцех спасение Твое. Да исповедятся Тебе людие, Боже: да исповедятся Тебе людие вси. Да возвеселятся и да возрадуются языцы: яко судиши людем правостию и языки на земли наставиши. Да исповедятся Тебе людие, Боже, да исповедятся Тебе людие вси. Земля даде плод свой: благослови ны, Боже Боже наш, благослови ны, Боже: и да убоятся Его вси концы земли. Таже предстоятель повелит ему колена преклонити и глаголет сам стихи сия: Посли Дух Твой, и созиждутся, и обновиши лице Земли. Спаси раба Твоего, Боже мой, уповающаго на Тя. Буди ему, Господи, столп крепости от лица вражия. Господи, услыши молитву мою, и вопль мой к Тебе да приидет. По изглаголании, диакону рекшу: Господу помолимся, и клиру: Господи, помилуй, чтет со умилением молитву сию: Господи Боже Вседержителю, согрешающим образы покаяния предлагаяй и заблуждшимъ путь правый показуяй, во еже бы ни единому погибнути, но всемъ мощно бе спастися. Благодарим Тя, яко и сему рабу Твоему (имярек) возсиял еси свет познания Твоея истины, и сподобил еси его ко святей Твоей Православно-Кафоличестей Церкви прибегнути. Даждь убо ему соединитися оней нелицемерно и невозвратно: сопричти его избранному Твоему стаду: сотвори его сосуд честен и жилище Святаго Твоего Духа, яко да тем всегда просвещаем и наставляем, спасительныя заповеди Твоя нерушимо соблюдет, и тако небесных Твоих благих восприятия сподобится. Ты бо еси Богъ милости и щедрот и человеколюбия, и Тебе славу воссылаем, Отцу и Сыну и Святому Духу, ныне и присно и во веки веков. Аминь. По молитве повелевает ему возстати, глаголя: Стани добре, стани со страхом, и пред Евангелием и святым Крестом Спасителя утверди данное тобою обещание. Он же, возстав, речет: Веру православно-кафолическую, юже ныне добровольне исповедую, целу и ненарушиму даже до конечнаго моего издыхания, Богу помогающу, твердо содержати, и заповеди ея радетельно и радостно исполняти потщуся, соблюдая в непорочности, елико мощно сердце мое. Во уверение сего моего обещания целую словеса и Крест Спасителя моего. Аминь. По лобызании, предстоятель глаголет: Благословен Бог, хотяй всем человеком спастися и въ разум истины приити, сый благословен во веки. Клир: Аминь. Посем глаголет: Преклони колена Твоя пред Господем Богом, егоже исповедал еси, и приимеши оставление грехов твоих. Преклоншу ему колена и главу, предстоятель разрешает его, сице: Господь наш Иисус Христос, ключи царствия небеснаго апостолом вручивый, и давый им и их преемником власть вязати и решити грехи человечков, чрез мене, недестойнаго архиерея (иерея), прощает тя, чадо (имярек), и разрешает от связания клятвеннаго или запрещения, и от всех грехов твоих. И аз, данною мне от Него властию, присоединяю тя ко православней Церкви и привожду ко общению божественных Таинств церковных, и благословляю тя Именем Отца и Сына и Святаго Духа. Аминь. Посем присоединенный станет, ожидая миропомазания.
