Первая седмица Великого поста

Великий покаянный канон
преподобного Андрея Критского
(адаптированный вариант)
В понедельник первой седмицы Великого поста
Песнь 1-я
Ирмос: Помощник и Покровитель бысть мне во спасение; Сей мой
Бог, и прославлю Его; Бог отца моего, и вознесу Его: славно бо
прославися.
Припев: Помилуй мя, Боже, помилуй мя.
Откуда начну оплакивати деяния окаяныя моея жизни? Кое ли начало,
Христе, положу нынешнему моему рыданию? Но яко милосерден, даруй мне
прощение прегрешений.
Иди, окаянная душе, с плотию твоею; пред Создателем всех исповедайся и
впредь воздерживайся от прежнего безумия, и принеси Богу в покаянии слезы.
Первозданнаго Адама преступлению уподобився, аз познал себе
лишенным Бога и вечнаго Царства и сладости, по грехом моим.
Увы мне, окаянная душе, что уподобилася еси первой жене Еве. Увидела
бо еси не с добром и уязвилася еси жéстоко, и коснулася еси древа и вкусила
еси дерзостно безрассудныя пищи.
Вместо Евы чувственныя во мне мысленная восстала Ева – во плоти
страстный помысл, показающий сладкое, но всегда дающий горькое питие.
Достойно из Едема изгнан был Адам, яко не исполнил едину Твою,
Спасе, заповедь. Что же предстоит претерпети мне, всегда отвергающему
Твоя животворная словеса?!
Слава:
Пресущная Троице, во Едúнице поклоняемая, возми от мене бремя
тяжкое греховное и яко милосердна, даруй мне слезы умиления.
И ныне:
Богородице, Надежде и предстательство Тебе поющих, возми от мене
бремя тяжкое греховное и, яко Владычица Чистая, прими мя кающагося.
1
Песнь 2-я
Ирмос: Вонми, небо, и возглаголю, и воспою Христа, от Девы
плотию пришедшаго.
Вонми, небо, и возглаголю, земле, внимай гласу, кающемуся Богу и
воспевающему Его.
Воззри на мя, Боже, Спасе мой, милостивным Твоим оком и приими мое
тéплое исповедание.
Согрешил аз паче всех человек, един согрешил пред Тобою, но сжалися,
яко Бог, Спасе, над творением Твоим.
Отобразив на себе моих страстей безобразие, сластолюбивыми
стремлениями погубил ума красоту.
Буря зла окружает мя, милосердне Господи, но, яко Петру, и мне руку
простри.
Осквернил аз ризу плоти моея, Спасе, и огрязнил созданное по Твоему
образу и подобию.
Омрачил аз душевную красоту страстей сластьми и всячески весь ум в
прах превратил.
Разорвал аз ныне одежду мою первую, сотканную мне Создателем
изначально, и лежу наг.
Слезы блудницы, Щедре, и аз проливаю пред Тобою, очисти мя, Спасе,
милосердием Твоим.
Воззрел аз на садовнаго древа красоту и прельстился умом, и ныне лежу
наг и стыжуся.
Пахали на хребте моем вси предводители страстей, продолжающе
беззаконие их.
Слава:
Единаго Тя в триех Лицех, Бога всех воспеваю, Отца и Сына и Духа
Святаго.
И ныне:
Пречистая Богородице Дево, Едина Всепетая, молися усердно во еже
спастися нам.
2
Песнь 3-я
Ирмос: На недвижимем, Христе, камени заповедей Твоих утверди
мое помышление.
Огнь от Господа прежде Господь обрушив, попалил землю содомскую.
Спасайся, душе, на горе, якоже Лот, и в Сигоре укрытися спеши.
Беги от запаления, о душе, беги от содомскаго горения, беги от
истребления божественным пламенем.
Согрешил пред Тобою, Спасе, согрешил един аз, но не презирай мене.
Ты еси Пастырь добрый, отыщи мене, яко агнца и заблудившагося не
презирай мене.
Ты еси Сладчайший Иисусе, Ты еси Создатель мой, Тобою, Спасе,
оправдаюся.
Исповедаюся, Спасе, согрешил аз, согрешил пред Тобою, но, яко
милосерден, отпусти, прости ми.
Слава:
О Троице, Единый Боже! Спаси нас от прельщений и искушений и
вражиих обстояний.
И ныне:
Радуйся, во чреве Вместившая Бога, радуйся, Престоле Господень,
радуйся, Мати жизни нашея!
Песнь 4-я
Ирмос: Услыша пророк пришествие Твое, Господи, и убояся, яко
хощеши от Девы родитися и человеком явитися, и глаголаше:
«Услышах слух Твой и убояхся. Слава силе Твоей, Господи!»
Творений Твоих да не презриши, создания Твоего да не оставиши,
Правосудный, аще и един аз согрешил, яко человек, паче всякаго человека,
Человеколюбче, но имаши, яко Господь всех, власть прощати грехи.
3
Приближается, душе, кончина, приближается, и не заботишися ты, не
готовишися. Время сокращается, восстани, близ при дверех Судия есть. Яко
сновидение, яко цвет, время жития течет. Что же мы напрасно суетимся?
Воспряни, о душе моя, осмысли деяния твоя, яже соделала еси, и пред
лицем твоим их представи, и капли излей слез твоих, исповедай
безбоязненно деяния и помышления Христу и оправдайся.
Не бысть в жизни греха ни деяния, ни зла, в нихже аз, Спасе, не
согрешил бы умом и словом, и произволением, и намерением, и мыслию, и
деянием согрешив, якоже никто иный никогда.
Лествица, юже виде в древности великий патриарх, есть указание, душе
моя, деятельнаго восхождения, разумнаго возшествия, аще хощеши убо жити
в деянии и разуме и созерцании, обновляйся.
Зной дневный вынужденно претерпе патриарх, и хлад нощный, на всяк
день приобретения заслуживая, пасый, труждаяйся, работаяй, дабы две жены
получити.
Во двух женах представляй деяние и разум в созерцании: в Лии, яко
многочадной – деяние, в Рахили, яко многими трудами приобретенной –
разум, ибо без трудов, душе, ни деяние, ни разум не усовершатся.
Слава:
Нераздельное существом, неслитное Лицами, богословствую о Тебе,
Троическое едино Божество, яко единоцарственное
и сопрестольное.
Возношу Тебе песнь великую, в вышних троекратно воспеваемую.
И ныне:
И раждаеши, и девствуеши, и пребываеши обоюдно естеством Дева.
Рождейся обновляет законы естества, чрево же раждает нераждающее: Бог
идеже хощет, побеждается естества чин, творит бо елика хощет.
Песнь 5-я
Ирмос: От нощи утренююща, Человеколюбче, просвети, молюся, и
настави и мене на повеления Твоя, и научи мя, Спасе, творити волю
Твою.
В нощи житие мое аз проводил непрестанно, ибо тьмою и глубокой
мглою была мне нощь греха; но сыном дня, Спасе, яви мя.
4
Рувиму подражая, окаянный аз, составил беззаконный и
законопреступный совет противу Бога Вышняго, осквернив ложе мое, яко тот
Рувим – отчее.
Исповедаюся пред Тобою, Христе Царю: согрешил аз, согрешил, яко
прежде братия, продавшии Иосифа – чистоты плод и целомудрия.
Сродниками бысть связана праведная душа, продан в рабство
сладчайший, в прообраз Господа, ты же вся, душе, продалася еси злыми
твоими деяниями и помышлениями.
Разумности праведнаго и целомудреннаго Иосифа подражай, окаянная и
несовершенная душе, и, непрестанно беззаконствуя, не оскверняйся
безрассудными стремлениями.
Аще и в рове был прежде Иосиф, Владыко Господи, но в прообраз
погребения и воскресения Твоего. Аз же что подобное когда-либо Тебе
принесу?
Слава:
Тебе, Троице, славим, единаго Бога: Свят, Свят, Свят еси, Отче, Сыне и
Душе, прóстое существо, Едúнице, присно поклоняемая.
И ныне:
Из Тебе, нетленная, безмужная Мати Дево, облечеся в мой состав Бог,
создавший века, и в Себе Самом соединил человеческое естество.
Песнь 6-я
Ирмос: Возопих всем сердцем моим к щедрому Богу, и услыша мя от
ада преисподняго, и возведе от тли живот мой.
Слезы, Спасе, очей моих и из глубины воздыхания искренне приношу с
воплем сердца: согрешил пред Тобою, очисти мя.
Отклонилася еси, душе, от Господа твоего, якоже Дафан и Авирон, но
воззови к Нему из ада преисподняго: «Пощади!», дабы пропасть земная не
поглотила тебя.
Яко младая разсвирепевшая телица, ты, душе, уподобилася еси Ефрему.
Яко серна от сетей, сохрани житие, окрыливши ум деянием и созерцанием.
5
Рука Моисея да утвердит нас, душе, в вере, како может Бог прокаженное
житие убелити и очистити. И не отчаивайся сама в себе, аще и поражена еси
проказою.
Слава:
«Аз есмь Троица, прóста, нераздельна. Раздельна в Лицех, и Едúница
есмь, естеством соединена», - глаголет Отец и Сын, и Божественный Дух.
И ныне:
Чрево Твое родило нам принявшаго наш образ Бога, Егоже, яко
Создателя всех, моли, Богородице, да молитвами Твоими оправдаемся.
Господи помилуй! (трижды).
Слава: И ныне:
Кондак
Душе моя, душе моя, востани, что спиши? Конец приближается и
úмаши смутитися. Воспряни убо, да пощадит тя Христос Бог, везде Сый
и вся исполняяй.
Песнь 7-я
Ирмос: Согрешихом, беззакóнновахом, непрáвдавахом пред Тобою.
Нижé соблюдóхом, нижé сотворúхом, якоже заповедал еси нам. Но не
предáждь нас до конца, отцев Боже.
Согрешил аз, беззаконновал и отверг заповедь Твою, яко во гресех
рожденный, и еще прибавил себе к язвам нарывы, но Сам мя помилуй, яко
милосерден, отцев Боже.
Тайны сердца моего аз исповедал пред Тобою – Судиею моим: виждь
мое смирение, виждь и скорбь мою, и внимай самоосуждению моему ныне, и
Сам мя помилуй, яко милосерден, отцев Боже.
Прежде Саул, потерявший ослиц отца своего, душе, с известием о них
внезапно обрел царство. Но смотри, не забывайся, плотския пóхоти твои
предпочитая более Царства Христова.
Прежде Давид богоотец, аще и согрешил сугубо, душе моя, быв уязвлен
стрелою прелюбодеяния, поражен копием мести за убийство, но ты сама
страдаеши тягчайшими тех деяниями, произвольными стремлениями.
6
Присоединил убо Давид прежде беззаконие к беззаконию, примешав к
прелюбоденянию убийство, абие явил сугубое покаяние. Но ты сама, душе,
еще большее лукавство соделала еси, не покаявшися пред Богом.
Прежде Давид написал, яко икону, песнь, еюже обличает содеянное, взывая:
«Помилуй мя, ибо Тебе Единому согрешил, всех Богу. Сам очисти мя».
Слава:
Троице прóстая, нераздельная, единосущная, и естество едино, Светы и
Свет, и Свята три, и едино Свято, поется, Бог Троица. Но воспой, душе,
прослави Жизнь и Жизни – всех Бога.
И ныне:
Поем Тя, благословим Тя, поклоняемся Тебе, Богородительнице, яко от
нераздельныя Троицы родила еси Единаго, Христа Бога, и Сама отверзла еси
нам, сущим на земли, Небеса.
Песнь 8-я
Ирмос: Егоже воинства Небесная славят, и трепещут херувими и
серафими, всякое дыхание и тварь, пойте, благословите и превозносите
во вся веки.
Согрешившаго, Спасе, помилуй, воздвигни мой ум ко обращению,
приими мя кающагося, ущедри вопиющаго: «Согрешил аз пред Тобою, спасú,
беззаконновал, помилуй мя».
Колесницею везомый Илия, прежде возшедший на колесницу
добродетелей, вознесся превыше всего земнаго, яко на Небеса. О его
восхождении, душе моя, помышляй.
Елиссей прежде, прияв милоть Илиину, восприял сугубую благодать от
Бога. Ты же, о душе моя, не получила еси сея благодати за невоздержание.
Иордана течение прежде Елиссей милотию Илииною остановил по обе
страны. О душе моя, ты не получила еси сея благодати за невоздержание.
Прежде соманитянка, по благому нраву, о душе, напитала праведнаго.
Ты же не ввела еси в дом ни странника, ни путника. За то и будеши
извержена из чертога брачнаго с рыданием.
Гиезиеву разуму скверному постоянно ты подражала еси, окаянная
душе. Хотя бы в старости отрини его сребролюбие, избеги геенскаго огня,
отступив от своих злодеяний.
7
Слава:
Безначальне Отче, Сыне собезначальне, Утешителю Благий, Дýше
правый, Слова Божия Родителю, Отца Безначальнаго Слóве, Дýше живый и
созидающий, Троице Единая, помилуй мя.
И ныне:
Мысленная багряница, Пречистая, - плоть Еммануила внутри, во чреве
Твоем, яко из вещества пурпурнаго, исткалася. Темже Богородицу воистину
Тя почитаем.
Песнь 9-я
Ирмос: Безсéменнаго зачатия Рождество несказáнное, Матере
безмужныя нетленен Плод: Божие бо рождение обновляет естества.
Темже Тя вси рóди, яко Богоневестную Матерь, православно величаем.
Ум изранен, тело болезнию поражено, недугует дух, слово утратило
мощь, жизнь замерла, кончина – при двéрех. Темже, моя окаянная душе, что
сотвориши, егда приидет Судия изследовати вся дела твоя?
Моисеово аз привел пред тобою сказание о миробытии и затем – все
Заветное Писание, повествующее тебе о праведных и неправедных. От
нихже, о душе, ты вторым подражала еси, а не первым, пред Богом согрешая.
Закон обезсилен, не воздействует Евангелие, пренебрежено тобою все
Писание, пророцы же и всякое слово праведное изнемогают. Нарывы твоя, о
душе, умножилися, ибо несть врача, изцеляющаго тя.
Новозаветнаго Писания привожду ти указания, дабы привести тя, душе,
ко умилению. Праведным же подражай, отвращайся от грешных и
умилостиви Христа молитвами же и постом, чистотою и непорочностию.
Христос вочеловечися, призвав к покаянию разбойников и блудниц.
Душé, покайся ведь уже отверзеся дверь Царствия, и прежде тебе входят в
него фарисее и мытари, и прелюбодеи кающиися.
Христос вочеловечился, приобщився мне плотию, и все свойственное
естеству добровольно испытал, кромé греха, показуя тебе, о душе, подобие и
образ Своего снисхождения.
Христос волхвы спасе, пастыри созва, младенец множество мучениками
содела, старца прослави и старую вдовицу, ихже не подражала еси ты, душé,
ни деянием, ни житию, но горе тебе, внегда пред Судом предстанеши.
8
Постився Господь дний четыредесять в пустыни, последú взалкá,
показуя в Себе человеческое естество. Душé, да не разленишися, аще
устремится на тя враг, молитвою же и постом от ног твоих да отразится.
Слава:
Отца прославим, Сына превознесем, Божественному Духу с верою
поклонимся, Троице нераздельней, Едúнице по существу, яко Свету и
Светом, Жизни и Жизнем, животворящему и просвещающему вся пределы
вселенныя.
И ныне:
Град Твой сохраняй, Богородительнице Пречистая, в Тебе бо он верно
царствует, в Тебе и утверждается и, Тобою укрепляемь, побеждает всякое
искушение, и пленяет врагов ратников, и содержит их повиновении.
Преподобне отче Андрее, моли Бога о нас!
Андрее честный и отче треблаженнейший, непрестанно молися о
воспевающих тя, да избавимся вси от гнева и скорби, и болезни, и
прегрешений безмерных, с верою чтущии твою память.
9
Во вторник первой седмицы
Песнь 1-я
Ирмос: Помощник и Покровитель бысть мне во спасение; Сей мой
Бог, и прославлю Его; Бог отца моего, и вознесу Его: славно бо
прославися.
Припев: Помилуй мя, Боже, помилуй мя.
Каиново превзойдя убийство, оживив плоть, аз произвольно соделался
убийцею души, вооружився противу нея лукавыми моими деяньми.
Авелевой, Иисусе, аз не уподобился праведности: ни дара, Тебе приятна,
не принес никогда, ни деяния богоугоднаго, ни жертвы чистыя, ни жития
непорочнаго.
Яко Каин, и мы, душé окаянная, принесли всех Создателю деяния
скверная и жертву порочную, и непотребное житие, темже и подвержены
осуждению.
Создатель, оживотворив прах земный, Ты вложил еси в мя плоть и
кости, и дыхание, и жизнь. Но, о Творче мой, Избавителю мой и Судие,
приими мя, кающагося.
Открываю аз пред Тобою, Спасе, грехи, яже соделал, и души, и тела
моего язвы, яже внутренния помыслы, яко разбойники, мне нанесли.
Аще аз и согрешил, Спасе, но вем, яко Ты – Человеколюбец еси:
наказуеши милостиво и милосердствуеши тéпле, взираеши на плачущаго и
поспешаеши на встречу, яко Отец, призывая сына блуднаго.
Слава:
Пресущная Троице, во Едúнице поклоняемая, возми от мене бремя
тяжкое греховное и, яко милосердна, даруй мне слезы умиления.
И ныне:
Богородице, Надежде и предстательство Тебе поющих, возми от мене
бремя тяжкое греховное и, яко Владычица Чистая, приими мя, кающагося.
10
Песнь 2-я
Ирмос: Вонми, Небо, и возглаголю, и воспою Христа, от Девы
плотию пришедшаго.
Сшиваше мне кожаныя ризы грех, обнаживый мя первыя боготканныя
одежды.
Облечен аз во одеяние стыда, якоже в листву смоковную, во обличение
моих самовольных страстей.
Одéялся аз в срáмную ризу и постыдно окровавленную течением
страстныя и сластолюбивыя жизни.
Подвергся аз мучению страстей и вещественному тлению, и оттого
доныне враг мне досаждает.
Любовещную и любостяжательную жизнь, Спасе,
нестяжательности, ныне аз тяжким бременем обложен есмь.
Украсил аз плоти кумир
помышлений, и осуждаюся.
разноцветным
одеянием
предпочтя
скверных
О единем внешнем благоукрашении аз прилежно озаботился, презрев
внутреннюю Богообразную скинию.
Захоронил аз под страстьми, Спасе, первозданнаго образа красоту, юже,
яко прежде драхму, взыскав, обрящи.
«Согрешил аз, - якоже блудница, вопию Ти - Един аз согрешил пред
Тобою. Приими, Спасе, яко миро, и мои слезы».
«Очисти, - якоже мытарь, вопию Ти, Спасе, - очисти мя. Ибо никто из
происшедших от Адама, якоже аз, не согрешил пред Тобою».
Слава:
Единаго Тя в триех лицех, Бога всех воспеваю, Отца и Сына, и Духа
Святаго.
И ныне:
Пречистая Богородице Дево, Едина Всепетая, моли прилежно, во еже
спастися нам.
11
Песнь 3-я
Ирмос: Утверди, Господи, на камени заповедий Твоих подвигшееся
сердце мое, яко Един Свят еси и Господь.
Источник Жизни аз обрел в Тебе и смерти Победителя, и пред кончиною
взываю Тебе от сердца моего: «Согрешил аз, очисти и спаси мя!»
Согрешил аз, Господи, согрешил пред Тобою, очисти мя, ибо несть
никогоже в человецех, егоже аз не превзошел прегрешениями.
Подражав, Спасе, блудствовавшим при Ное, аз унаследовал их
осуждение в потопе всепогружающем.
Хаму отцегубителю подражая, душе, не покрыла еси срама ближняго,
вспять лицем от него отвратившися.
Возгорания, якоже Лот, избегай, душе моя, греха. Избегай Содома и
Гоморры, избегай пламене всякаго безразсуднаго желания.
Слава:
Троице прóстая, несоздáнная, безначальное естество, воспеваемая в
Троице ипостасей, спаси нас, с верою поклоняющихся державе Твоей.
И ныне:
От Отца безлетна Сына, во времени, Богородительнице, родила еси,
дивное чудо, пребываеши, Дево, млеком питающая.
Песнь 4-я
Ирмос: Услыша пророк пришествие Твое, Господи, и убояся, яко
хощеши от Девы родитися и человеком явитися и глаголаше: «Услышах
слух Твой и убояхся. Слава силе Твоей, Господи!»
Бодрствуй, о душе моя, буди мужественна, якоже прежде великий
патриарх, да приобрящещи деяние с разумом, да будеши умом, зрящим Бога,
и проникнеши созерцанием в непреступный мрак и великим купцом
станеши.
Дванадесять патриархов великий патриарх породив, тáинственно
утвердил для тебя, душе, лествицу деятельнаго восхождения: детей – яко
ступени, а шаги свои – яко восхождения по ним, премудро расположив.
12
Исаву ненавистному подражала еси, душе, отдала еси прельстителю
твоему изначальныя красоты перворóдство, и отпала еси от отеческия
молитвы, и дважды пала еси, окаянная: деянием и разумом, посему ныне
покайся.
Едóмом Исав бысть наречен, ради крайняго женолюбия,
невоздержанием бо непрестанно разжигаемый и сластьми оскверняемый,
наименован Едомом, еже означает «разжжение души грехолюбивыя».
Слыша об Иове на куче навозней, о душе моя, оправдавшемся, его
мужеству не подражала еси, не имела еси твердыя воли во всем, еже познала
и испытала еси, но оказалася еси нетерпелива.
Иже прежде был на престоле, ныне на куче навозней наг и гнойными
язвами поражен, многочадный и славный, внезапно безчаден и безславен,
кучу навоза яко дворец себе представляя и язвы гнойныя – яко бисер.
Слава:
Нераздельное существом, неслитное Лицами, богослóвлю Тя,
Троическое едино Божество, яко единоцарственное и сопрестольное:
возношу Тебе песнь великую, в вышних троекратно воспеваемую.
И ныне:
И раждаеши, и девствуеши, и пребываеши обоюдно естеством Дева.
Рождейся обновляет законы естества, чрево же раждает нераждающее. Бог
идеже хощет, побеждается естества чин: творит бо, елика хощет.
Песнь 5-я
Ирмос: От нощи утренююща, Человеколюбче, просвети, молюся, и
настави и мене на повеления Твоя, и научи мя, Спасе, творити волю
Твою.
Слышала еси, душе, о ковчежце с Моисеом, в древности, яко в чертóзе,
волнами речными носимем и избегшем последствий жестокаго замысла
фараонова.
Аще слышала еси, душе окаянная, о повивальных бабках, прежде
истреблявших исполнения целомудрия – младенцев мужескаго пола, ныне,
яко младенец – великий Моисей – млеком, питайся премудростию.
13
Яко великий Моисей египтянину, нанесши рану разуму, окаянная душе,
ты не убила еси его. Како же ныне, глагóли, возможеши вселитися в пустыню
безстрастия чрез покаяние?
В пустыню вселился великий Моисей. Иди же, душе, подражай житию
его, да и ты в купине Бога явление ýзриши.
Моисеов жезл представляй пред собою, душе, ударяющий море и
отвердевающий водную пучину, в прообраз Божественнаго Креста, имже и
ты сможеши деяния великия совершити.
Аарон приносил Богу огнь непорочный, чистый, но Офнú и Финеéс,
якоже и ты, душе, принесли чýждое Богу оскверненное житие.
Слава:
Тя, Троице, славим, единаго Бога: «Свят, Свят, Свят еси, Отче, Сыне и
Дýше, прóстое существо, Едúнице, присно покланяемая».
И ныне:
Из Тебе, нетленная, безмужная Мати Дево, облечеся в мой состав Бог,
создавый векá, и усвоил Себе человеческое естество.
Песнь 6-я
Ирмос: Возопих всем сердцем моим к щедрому Богу, и услыша мя от
ада преисподняго, и возведе от тли живот мой.
Вóлны прегрешений моих, Спасе, яко в мори Чермнéм, внезапно
возвратившиися, покрыли мя, яко египтян всадников.
Неразумное произволение имела еси, душе, яко прежде Израиль:
Божественней манне безрассудно предпочла сластолюбивое страстей
пресыщение.
Клáдези хананейских помыслов ты, душе, предпочла еси камени, из
негоже премудрости река, яко чаша, изливает потоки богословия.
Свиное мясо и котлы, и египетскую пищу ты, душе моя, предпочла еси
пище Небесней, якоже прежде неразумнии людие в пустыни.
Яко ударил Моисей, раб Твой, жезлом камень, прообразовав
животворящая ребра Твоя, Спасе, из нихже мы вси питие жизни почерпаем.
14
Испытывай, душе, и осматривай, якоже Иисус Навин, обетованную
землю, какова есть, и поселися на ней жизнию благозаконною.
Слава:
«Троица Аз есмь прóста, нераздельная, в Лицех разделимая, и Единица Аз
есмь, соединенная естеством», - глаголет Отец и Сын, и Божественный Дух.
И ныне:
Чрево Твое родило нам приявшаго наш образ Бога, Егоже, яко Создателя
всех, моли, Богородице, да молитвами Твоими оправдаемся.
Господи, помилуй (трижды).
Слава:
И ныне:
Кондак
Душе моя, душе моя, востáни, что спиши? Конец приближается, и
úмаши смутитися. Воспряни убо, да пощадит тя Христос Бог, везде Сый
и вся исполняяй.
Песнь 7-я
Ирмос: Согрешихом, беззаконновахом, неправдовахом пред Тобою.
Ниже соблюдохом, ниже сотворихом, яже заповедал еси нам. Но не
предаждь нас до конца, отцев Боже.
Егда Ковчег Завета везóм был на колеснице, в сие время, яко телец
отклонися от пути, Оза оный точию коснуся Ковчега, испытáн бысть Божиим
гневом, но, душе, избежав сея дерзости, благоговейно почитай Божественное.
Слышала еси, душе, об Авессаломе, яко восстал он противу природы.
Знаеши ныне о скверных его деяниих, имиже осквернил он ложе отца своего
Давида. Но ты сама подражала еси тем страстным и сластолюбивым
стремлениям.
Покорила еси, душе, свое свободное достоинство телу твоему, ибо
обретши инаго Ахитофела – врага, подчинилася его советом, но сия разсеял
Сам Христос, да ты совершенно спасешися.
15
Соломон чудный и благодати премудрости исполненный, сей, прежде
лукавое пред Богом сотворив, отступил от Него. И ты, душе, проклятым
твоим житием тому Соломону уподобилася еси.
Увлекшийся удовольствиями страстей, Соломон осквернился. Увы!
Ревнитель премудрости явися любителем блудных жен и чуждым Богу. Ты
сама, душе, в уме подражала еси тому Соломону постыдным сладострастием.
Слава:
Трóице прóстая, нераздельная, единосущная, и естество едино, Свéты и
Свет, и Свята три, и едино Свято, поется, Бог – Троица. Но воспой, душе,
прослави Жизнь и Жизни – всех Бога.
И ныне:
Поем Тя, благословим, поклоняемся Ти, Богородительнице, яко из
нераздельныя Троицы родилá еси Единаго, Христа Бога и Сама отверзла нам,
сущим на земли, - Небеса.
Песнь 8-я
Ирмос: Егоже воинства Небесная славят, и трепещут херувими и
серафими, всякое дыхание и тварь, пойте, благословите и превозносите
во вся веки.
Ты, душе, Óзии подражавши, его проказу вдвойне в себе носиши:
мыслиши о неприличнем, делаеши беззаконное, остави же все сие и прибегни
к покаянию.
Слышала еси, душе, о ниневитянах, кающихся пред Богом в рубище и
пепле. Им не подражала, но явилася еси злейшая всех прежде Закона и по
Законе прегрешивших.
Слышала еси, душе, об Иеремии, в рóве болотнем ко граду Сиону с
рыданиями взывавшем и искавшем слез. Подражай его плачевному житию и
спасешися.
Иона в Фарсис бежал, предвидя обращение ниневúтян, ибо знал, яко
пророк, милосердие Божие и пламенел стремлением, дабы не оболгалось
пророчество.
Из Ветхаго Завета аз всех привел тебе, душе, образы. Подражай
боголюбивым деяниям праведных, избегай же грехов людей порочных.
16
Слава:
Безначальне Отче, Сыне собезначальне, Утéшителю благий, Дỳше
правый, Слова Божия Родителю, Отца Безначальнаго Слόве, Душе живый и
созидающий, Троице Единая, помилуй мя!
И ныне:
Мысленная багряница, Пречистая, - плоть Емманỳила внутри, во чреве
Твоем, яко из вещества пурпурнаго, исткалася. Темже Богородицу воистину
Тя почитаем.
Песнь 9-я
Ирмос: Безсеменнаго зачатия Рождество несказáнное, Матере
безмужныя нетленен плод. Божие бо рождение обновляет естества.
Темже Тя вси рόди, яко Богоневестную Матерь, православно величаем.
Христос искушаем бысть, диавол искушал, показуя кáмение, да хлеби
будут, на гόру возведе видети во едино мгновение вся царствия мира. Убойся
уловления, о душе, трезвися, молися на всякий час Богу.
Горлица пустыннолюбивая, глас вопиющаго, Христов Светильник
возглашал, проповедуя покаяние. Ирод же беззаконствовал со Иродиадою.
Зри, душе моя, да не увязнеши в беззаконныя сети, но возлюби покаяние.
В пустыни вселился Предтеча благодати, и вся Иудея и Самария, о нем
слышавше, стремилися и исповедовали грехи своя, с усердием принимая
Крещение, имже ты, душе, не подражала еси.
Брак убо честный и ложе нескверно: обоя бо Христос прежде
благословил, в Кане на пире брачнем плотию пищу вкушая и воду в вино
претворяя, сие первое чудо совершая, да ты, о душе, изменишися.
Христос разслабленнаго укрепил, вземшаго одр, и умершаго юношу,
сына вдовицы, воскресил, и сотникова слугу отрока изцелил, и самаряныне
явив Ся, предначертал тебе, душе, служение Богу в духе.
Кровоточивую изцелил Господь прикосновением ко краю ризы Его,
прокаженных очистил, слепыя и хромыя, просветив, исправил, глухия же и
немыя, и согбенныя изцелил словом, да и ты, окаянная душе, спасешися.
17
Слава:
Отца прославим, Сына Превознесем, Божественному Духу с верою
поклонúмся, Троице нераздельней, Едúнице по существу, яко Свету и
Светом, Жизни и Жизнем, животворящему и просвещающему вся пределы
вселенныя.
И ныне:
Град Твой сохраняй, Богородительнице Пречистая, в Тебе бо он верно
царствует, в Тебе и утверждается и, Тобою укрепляемь, побеждает всякое
искушение, и пленяет врагов ратников, и содержит их в повиновении.
Преподобне отче Андрее, моли Бога о нас!
Андрее честный и отче треблаженнейший, пастырю Критский,
непрестанно молися о воспевающих тя, да избавимся вси от гнева и скорби, и
тления, и прегрешений безмерных, с верою чтущии твою память.
18
В среду первой седмицы
Песнь 1-я
Ирмос: Помощник и Покровитель бысть мне во спасение; Сей мой
Бог, и прославлю Его; Бог отца моего, и вознесу Его: славно бо
прославися.
Припев: Помилуй мя, Боже, помилуй мя!
От юности, Христе, заповеди Твоя аз преступил, неудержимо страстно,
в унынии и нерадении жизнь проведя. Темже зову Ти, Спасе: хотя бы при
кончине спаси мя.
Поверженнаго пред вратами Твоими, Спасе, хотя бы в старости не
низрини мене, непотребнаго, во ад. Но прежде кончины, яко Человеколюбец,
дáруй мне прегрешений прощение.
Богатство мое, Спасе, расточив в блуде, пуст есмь без плодов
благочестивых, гладен же зову: «Отче милосердный, поспешив, Ты мя
ущедри!»
Разбойников нападению подвержен аз есмь помышлениями моими,
весь поражен ими ныне и покрыт ранами. Но Сам, предо мною представ,
Христе Спасе, исцели.
Священник, видев мя пред собою, мимо иде и левит, видя обнаженнаго
и в беде, презрел. Но из Марии возсиявый, Иисусе, Ты, представ, ущедри мя.
Преподобная мати Марие, моли Бога о нас!
Ты дáруй мне, Марие, светозарную благодать от Вышняго
Божественнаго
Промысла, избежати страстей омрачения и воспевати
усердно прекрасныя подвиги твоего жития.
Слава:
Пресущная Троице, во Едúнице поклоняемая, возми от мене бремя
тяжкое греховное и, яко милосердна, дáруй мне слезы умиления.
И ныне:
Богородице, Надежде и предстательство Тебе поющих, возми от мене
бремя тяжкое греховное и, яко Владычица Чистая, кающагося прими мя.
19
Песнь 2-я
Ирмос: Вонми, небо, и возглаголю, и воспою Христа, от Девы
плотию пришедшаго.
Впал в блуд аз, яко Давид, и освернился. Но омый и мене, Спасе,
слезами.
Ни слез, ни покаяния не имам, ни умиления. Сам, Спасе, яко Бог, все
сие мне даруй.
Погубил аз первозданную красоту и благообрáзие мое, и ныне лежу наг
и стыжуся.
Дверь Твою не затвори предо мною тогда, Господи, Господи, но
отверзи сию мне, пред Тобою кающемуся.
Внимай воздыханию души моея и слезы очей моих приими, Спасе, и
спаси мя.
Человеколюбче, хотяй всем спастися, Ты воззови мя и приими, яко
Благ, кающагося.
Пресвятая Богородице, спаси нас!
Пречистая Богородице Дево, Едина всепетая, моли прилежно, во еже
спастися нам.
Ирмос: Видите, видите, яко Аз есмь Бог, манну одождивый и воду
из камене източивый древле в пустыни людем Моим десницею единою и
крепостию Моею.
«Видите, видите, яко Аз есмь Бог», - внимай, душе, взывающему
Господу и удалися от прежняго греха и бойся, яко праведнаго Судию и Бога.
Кому уподобилася еси, душе? – токмо первому Каину и тому Ламеху,
жестоко поразившая тело злодействами и убившая разум безрассудными
стремлениями.
Всех, прежде Закона живших, обозревши, о душе, не уподобилася еси
Сифу, ни Еносу подражала еси, ни Еноху чрез преселение на Небо, ни Ною,
но явилася еси лишенною праведных жизни.
20
Едина отверзла еси бездны гнева Бога твоего, душе моя, и, потопила
еси, якоже землю, всю плоть и деяния, и жизнь, и осталася еси вне
спасительнаго ковчега.
Преподобная мати Марие, моли Бога о нас!
Всем усердием и любовию прибéгла еси ко Христу, отвратившися от
прежняго пути греха, в пустынех непроходимых питающися и
безукоризненно исполняющи божественныя Его заповеди.
Слава:
Безначальная, несоздáнная Троице, нераздельная Едúнице, приими мя,
кающагося, спаси согрешившаго. Твое есмь создание, не прéзри, но пощади и
избави мя от огненнаго осуждения.
И ныне:
Пречистая Владычице, Богородительнице, Надеждо к Тебе
притекающих и пристанище сущих в бури, милостиваго и Создателя, и Сына
Твоего и ко мне умилостиви молитвами Твоими.
Песнь 3-я
Ирмос: Утверди, Господи, на камени заповеданий
подвигшееся сердце мое, яко един свят еси и Господь.
Твоих
Благословения Симова не унаследовала еси, душе окаянная, ни
пространнаго владения, якоже Иафет, не имела еси на земли прощения
грехов.
Яко от земли Харран, изыди от греха, душе моя, гряди в землю,
источающую вечно живое нетление, еже Авраам унаследовал.
Слышала еси, душе об Аврааме, прежде оставившем землю отечества и
ставшем пришельцем. Его добровольней решимости подражай.
У дуба Мамврийскаго патриарх, угостив Ангелов, ко старости
унаследовал добычу обетования.
Яко новую жертву, таинственно принесенную во всесожжение Господу,
душе моя, представив Исаака, подражай его добровольней решимости.
21
Слышала еси об Измаиле, изгнаннем, яко сын рабыни, трезвися, душе
моя, смотри, дабы, предаваясь похотем, ему подобно не пострадати.
Преподобная мати Марие, моли Бога о нас!
Охвачен аз есмь бурею и треволнением согрешений, но, мати, сама ныне
мя спаси и приведи ко пристанищу божественнаго покаяния.
Преподобная мати Марие, моли Бога о нас!
Рабское моление и ныне, преподобная, молитвами твоими принесши к
милосердней Богородице, отверзи и предо мною божественныя входы.
Слава:
Троице прόстая, несоздáнная, безначальное естество, воспеваемая в
Троице ипостасей, спаси нас, с верою поклоняющихся державе Твоей.
И ныне:
От Отца безлетнаго Сына во времени, Богородительнице,
неискусомужно родила еси, дивное чудо, пребываеши, Дево, млеком
питающая.
Песнь 4-я
Ирмос: Услыша пророк пришествие Твое, Господи, и убояся, яко
хощеши от Девы родитися и человеком явитися, и глаголаше:
«Услышах слух Твой и убояхся. Слава силе Твоей, Господи!»
Тело осквернено, дух огрязнен, весь аз покрыт язвами, но Ты, Христе,
яко Врач, обоя покаянием моим уврачуй, омый, очисти, яви мя, Спасе мой,
паче снега чистейшим.
Тело Твое и Кровь, распинаемый, за всех положил еси, Слове. Тело же –
да мя обновиши, Кровь – да омыеши мя, дух же предал еси, Христе, да
приведеши мя ко Твоему Родителю.
Соделал еси спасение посреде земли, Щедре, да спасемся. Добровольно
на древе распялся еси. Эдем затворенный отвéрзеся, вышния и нижния,
творение, народы, - все, спасенные, поклоняются Тебе.
Да будет мне купелию Кровь из ребр Твоих, вкупе и питием,
источившим воду прощения, да обоюдно очищаюся, помазуяся и пия, яко
помазание и питие, Слове, живоносная Твоя словеса.
22
Чашу Церковь обрела ребра Твоя животворная, Спасе наш, из нихже
сугубыя нам излила источники прощения, во образ древняго и новаго, двоих
вкупе Заветов.
Лишен аз есмь чертога, лишен есмь и брачнаго пира купно и вечери.
Светильник угасé, яко безъелейный, чертог, покуда аз спал, заключися,
вечеря снедéся, аз же, по рукам и ногам связан, низвержен есмь.
Слава:
Нераздельное существом, неслитное Лицами, богослόвлю Тя,
Троическое едино Божество, яко единоцарственное и сопрестольное,
возношу Ти песнь великую, в вышних троекратно воспеваемую.
И ныне:
И раждаеши, и девствуеши, и пребываеши обоюдно естеством Дева.
Рождейся обновляет законы естества, чрево же раждает нераждающее. Бог
идеже хощет, побеждается естества чин: творит бо, елика хощет.
Песнь 5-я
Ирмос: От нощи утренююща, Человеколюбче, просвети, молюся, и
настави и мене на повеления Твоя, и научи мя, Спасе, творити волю
Твою.
Упорством нрава стал аз, яко жестокий фараон, подобен Ианнию и
Иамврию душею и телом и потоплен разумом, но, Владыко, помози ми.
Калом огрязних себе аз, окаянный, разумом. Омый мя, Владыко, банею
моих слез, молю Тя, плоти моея одежду убелив, яко снег.
Аще изследую моя дела, Спасе, вижду себе превзошедшим грехами
всякаго человека, яко не по неведению согрешал, но по произволению.
Пощади, пощади, Господи, создание Твое. Согрешал аз, прости мне, яко
естеством чистый Ты Сам сый един, и инаго, разве Тебе, никогоже несть без
скверны.
Мене ради, Бог сый, восприял еси мой образ, показал еси чудеса,
изцелив прокаженнаго и разслабленнаго укрепив, и кровоточивыя жены
течение остановил еси, Спасе, прикосновением риз.
Преподобная мати Марие, моли Бога о нас!
23
Струú Иорданския прешедши, обрела еси покой безболезненный,
избежавши плотскаго сластолюбия, из негоже и нас изми Твоими молитвами,
Преподобная.
Слава:
Тя, Троице, славим единаго Бога: «Свят, Свят, Свят еси, Отче и Сыне, и
Душе, прόстое существо, Едúнице, присно покланяемая.
И ныне:
Из Тебе, нетленная, безмужная Мати Дево, облечеся в мой состав Бог,
сотворивый века, и в Себé Самόм соединил человеческое естество.
Песнь 6-я
Ирмос: Возопих всем сердцем моим к щедрому Богу, и услыша мя от
ада преисподняго, и возведé от тли живот мой.
Востани и побори плотския страсти, яко Иисус – Амалúка, и лестныя
пόмыслы – яко гаваонитов, непрестанно побеждая.
Преиди, душé, времени текущее естество, яко прежде преплыл Ковчег, и
войди во владение тою землею обетовáнною.
Пристанищем тя представляю тихим, Владыко, Владыко Христе, но от
непроходимых глубин греха и отчаяния, поспешив скоро, мя избави.
Слава:
«Троица Аз есмь прόста, нераздельна, в лицех раздельна. Едúница,
соединенная естеством», - глаголет Отец и Сын, и Божественный Дух.
И ныне:
Чрево Твое, Богородице, родило приявшаго наш образ Бога, Егоже, яко
Создателя всех, моли, да молитвами Твоими оправдáемся.
Господи, помилуй (трижды).
Слава, и ныне:
24
Кондак
Душé моя, душé моя, востани, что спиши? – Конец приближается, и
úмаши смутитися. Воспряни, убо, да пощадит тя Христос Бог, везде Сый
и вся Исполняяй.
Песнь 7-я
Ирмос: Согрешихом, беззакόнновахом, неправдовахом пред Тобою,
нижé соблюдόхом, нижé сотворихом, якоже заповедал еси нам. Но не
предаждь нас до конца, отцев Боже.
Манассúевы самовольно собрала еси преступления, воздвигши, яко
идолы – страсти и умноживши мерзости. Но Манассиеву же и покаянию
усердно подражая, обрети умиление.
Ахаáвовым сквернам подражала еси, душе моя. Увы мне! Стала еси
вместилищем плотских мерзостей и срамным сосудом страстей. Но из
глубины твоея воздохни и глаголи Богу грехи твоя.
Заключися тебе небо и глад Божий постúже тя, душе, егда, якоже прежде
Ахав не покорился Илии Фесвитянина словесем. Но уподобися вдовице, яже
в Сарепте Сидόнстей: напитай пророка душу.
Прежде Илия, егда истребляше, во обличение Ахава, пророков мерзости,
попалил сто служителей Иезавелиных. Но ты, душе, избегай подражания им
и укрепляйся.
Слава:
Троице прόстая, нераздельная, единосущная, и естество едино, Светы и
Свет, и Свята три, и едино Свято, поется, Бог – Троица. Но воспой, душе,
прослави Жизнь и Жизни – всех Бога.
И ныне:
Поем тя, благословúм Тя, поклоняемся Ти, Богородительнице, яко из
нераздельныя Троицы родила еси Единаго, Христа Бога и Сама отверзла нам,
сущим на земли, - Небеса.
25
Песнь 8-я
Ирмос: Егоже воинства небесная славят, и трепещут херувими и
серафими, всякое дыхание и тварь, пойте, благословите и превозносите
во вся веки.
Правосудный Спасе, помилуй и избави мя огня и наказания, еже
справедливо предстоит мне на Суде претерпети. При посредстве добродетели
и покаяния прежде кончины прости мя.
Яко разбойник, вопию Ти: «Помяни мя». Яко Петр, плачу горько. «Буди
милостив ми», - взываю, яко мытарь. Проливаю слезы, яко блудница. Прими
мое рыдание, якоже прежде – плач жены хананейския.
Гноение смиренныя моея души изцели, Спасе, единый Врачу. Пластырь
мне наложи и елей, и вино – дела покаяния, умиление со слезами.
Хананейстей жене и аз подражая, вопию: «Помилуй мя, Сыне Давидов!»
Касаюся края ризы, яко кровоточивая. Плачу, яко Марфа и Мария над
Лазарем.
Слава:
Безначальне Отче, Сыне собезначальне, Утéшителю благий, Дỳше
правый, Слова Божия Родителю, Отца безначальна Слόве, Дỳше живый и
созидающий, Троице Единая, помилуй мя!
И ныне:
Мысленная багряница, Пречистая, - плоть Емманỳила внутри, во чреве
Твоем, яко из вещества пурпỳрнаго исткалася. Темже Богородицу воистину
Тя почитаем.
Песнь 9-я
Ирмос: Безсеменнаго
зачатия Рождество несказáнное, Матере
безмужныя нетленен плод. Божие бо рождение обновляет естества.
Темже Тя вси рόди, яко Богоневестную Матерь, православно величаем.
Недуги изцеляя, нищим благовествовал Христос Слово, увечных
уврачевал, с мытари трапезовал, со грешники беседовал, преставившуюся
душу дщере Иаировы возвратил прикосновением руки.
Мытарь спасся и блудница соделалась цеомудренною, а хвалящийся
фарисей осуждению подвергся. Ибо первый взывал: «Буди милостив!»,
26
вторая – «Помилуй мя», последний же кичился, возглашая: «Боже, …несмь,
якоже прочии человецы» и прочия безумныя глаголы.
Закхей мытáрь бе, но обрел спасение, а фарисей Симон соблазнился,
блудница же восприяла разрешительное прощение от Имеющаго власть
прощати грехи. Ейже, душе, стремися подражати.
Блуднице, о окаянная душе моя, не подражала еси, яже приимши мира
алавастр, со слезами мазаше нозе Спасовы, отирая власами, прежних ея
согрешений раздирающаго рукописание.
Уведала еси, душе, о градех, имже благовествовал Христос, како
прόкляти были. Убойся указания, да не будеши, якоже они, ихже Владыка,
содомляном уподобив, даже до ада осудил.
Да не явишися по отчаянию, о душе моя, хуждши жены хананейския,
еяже дщерь, с верою, словом Божиим изцелена. Воззови из глубины сердца:
«Сыне Давидов, спаси и мене!», якоже она – Христу.
Слава:
Отца прославим, Сына превознесем, Божественному Духу с верою
поклонимся, Троице нераздельней, Едúнице по существу, яко Свету и
Свéтом, Жизни и Жизнем, животворящему и просвещающему вся пределы
вселенныя.
И ныне:
Град Твой сохраняй, Богородительнице Пречистая, в Тебе бо он верно
царствует, в Тебе и утверждается и, Тобою укрепляемь, побеждает всякое
искушение, и пленяет врагов ратников и содержит их в повиновении.
27
В четверг первой седмицы
Песнь 1-я
Ирмос: Помощник и Покровитель бысть мне во спасение; Сей мой
Бог, и прославлю Его; Бог отца моего, и вознесу Его: славно бо
прославися.
Припев: Помилуй мя, Боже, помилуй мя.
Агнче Божий, вземляй грехи всех, возми от мене бремя тяжкое
греховное и, яко милосерден, даруй ми слезы умиления.
К Тебе припáдаю, Иисусе, согрешил аз пред Тобою, очисти мя, возми от
мене бремя тяжкое греховное и, яко милосерден, даруй ми слезы умиления.
Не вниди со мною в суд, вынося моя деяния, словеса изследуя и обличая
стремления. Но в щедротах Твоих презирая моя злодеяния, спаси мя,
Всесильне.
Покаяния время: прихожду к Тебе, Создателю моему. Возми от мене
бремя тяжкое греховное и, яко милосерден, дáруй ми слезы умиления.
Богатство душевное расточив грехом, лишен аз есмь добродетелей
благочестивых, гладствуя же зову: «Милости Подателю, Господи, спаси мя!»
Преподобная мати Марие, моли Бога о нас!
Склонившися пред Христовым Божественным Законом, к Нему
приступила еси, оставивши неудержимыя стремления к наслаждениям, и
всякую добродетель всеблагоговейно, яко едину, исполнила еси.
Слава:
Пресущная Троице, во Едúнице поклоняемая, возми от мене бремя
тяжкое греховное и, яко милосердна, дáруй ми слезы умиления.
И ныне:
Богородице, Надежде и предстательство Тебе поющих, возми от мене
бремя тяжкое греховное и, яко Владычица Чистая, кающагося прими мя.
28
Песнь 2-я
Ирмос: Видите, видите, яко Аз есмь Бог, манну одождивый и воду из
камене источивый древле в пустыни людем Моим десницею единою и
крепостию Моею.
«Мужа аз убил в язву мне и юношу – в рану», - вопиял, рыдая, Ламех.
Ты же не трепещеши, о душе моя, огрязнивши плоть и ум осквернивши.
Башню возмечтала еси создати, о душе, и твердыню водрузити твоими
похотьми, аще бы Создатель не смешал замыслы твоя и не низверг на землю
ухищрения твоя.
О, како аз подражал Ламеху, прежнему убийце, душу – яко мужа, ум –
яко юношу, яко брата же моего – тело убив, яко Каин убийца,
сластолюбивыми стремлениями.
Одожди Господь от Господа огнь прежде на беззаконие неистовое, сожег
содóмлян. Ты же, о душе, разожгла еси огнь геенский, в немже предстоит
тебе сгорети.
Изъявзвлен аз, изранен. Се – стрелы вражия, поразившия мою душу и
тело. Се – вопиют раны, нагноения, язвы самопроизвольных моих страстей.
Преподобная мати Марие, моли Бога о нас!
Простерла еси руце твои к щедрому Богу, Марие, в бездне зол
погружаемая, и Он, якоже Петру, человеколюбно руку Божественную
простер, всячески ожидая твоего обращения.
Слава:
Безначальная, несоздáнная Троице, нераздельная Едúнице, кающагося
мя прими, согрешившаго спаси. Твое аз есмь создание, не прéзри, но пощади
и избави мя от огненнаго осуждения.
И ныне:
Пречистая Владычице, Богородительнице, Надежде к Тебе притекающих
и пристанище сущих в бури, милостиваго и Создателя, и Сына Твоего, и ко
мне умилостиви молитвами Твоими.
29
Песнь 3-я
Ирмос: Утверди, Господи, на камени заповедий Твоих подвигшееся
сердце мое, яко един свят еси и Господь.
Агаре древней, египтяныне ты уподобилася еси, душе, поработившися
произволу и родивши новаго Измаила – дерзость.
Ты знала еси, душе моя, о лествице Иаковлевой, представляющейся от
земли к небесем. Почто же ты не обрела еси безопаснаго восхождения –
благочестия?
Священнику Божию и царю уединенному – Мелхиседеку – образу жития
Христа среди людей в мире – уподобляйся.
Обратися, возстенай, душе окаянная, прежде даже не приидет к кончине
торжество жизни, прежде даже Господь не заключит чертога двери.
Не стани, душе, возвратившися вспять, столпом соляным. Да устрашит
тя образ содомский. На высоту, в Сигор спасайся.
Моления, Владыко, Тебе поющих не отвержи,
Человеколюбче, и даруй с верою молящим прощение.
но
ущедри,
Слава:
Троице прóстая, несоздáнная, безначальное естество, воспеваемая в
Троице ипостасей, спаси нас, с верою поклоняющихся державе Твоей.
И ныне:
От Отца безлетна Сына, во времени, Богородительнице, родила еси,
дивное чудо, пребываеши, Дево, млеком питающая.
Песнь 4-я
Ирмос: Услыша пророк пришествие Твое, Господи, и убояся, яко
хощеши от Девы родитися и человеком явитися, и глаголаше:
«Услышах слух Твой и убояхся. Слава силе твоей, Господи!»
Время жизни моея мало и полно болезней и лукавства. Но в покаянии мя
приими и к познанию истины призови, да не стану добычею и пищею врага,
Спасе, Сам мя ущедри.
30
Царским достоинством, венцем и багряницею одéян, многим имением
обладающий и праведный человек, изобилующий богатством и стадами,
внезапно и богатства, и славы, и царства, обнищав, лишился.
Аще и праведен был он, и непорочен паче всех, и не избежал уловления
и сети сатаны льстиваго, ты же, грехолюбива сущи, окаянная душе, что
сотвориши, аще случится напасти на тя чему-либо неожидаемому?
Высокомерен ныне аз есмь, дерзок же и сердцем безпричинно и
напрасно. Да не с фарисеем осудиши мя. Паче же дáруй ми, Едине Щедре,
Правосудне, мытарево смирение и с ним сопричисли.
Вем, яко согрешил аз, осквернив сосуд плоти моея. Но, Щедре, в
покаянии мя приими и к познанию истины призови, да не стану добычею и
пищею врага, Спасе, Сам мя ущедри.
Идола сам из себе соделал, страстьми душе моей вредя. Но, Щедре, в
покаянии мя приими и к познанию истины призови, да не стану добычею и
пищею врага, Спасе, Сам мя ущедри.
Не послушал аз гласа Твоего, не обращал внимания на Писание Твое,
Законодателю. Но в покаянии мя приими и к познанию истины призови, да
не стану добычею и пищею врага, Спасе, Сам мя ущедри.
Преподобная мати Марие, моли Бога о нас!
Во глубину великих пороков погрузившися, ты не была еси ею охвачена,
но высшим помыслом и деяниями явно достигла еси высочайшей
добродетели, Марие, преславно ангельское естество удививши.
Слава:
Нераздельное существом, неслитное Лицами, богослóвлю Тя,
Троическое едино Божество, яко единоцарственное и сопрестольное:
возношу Тебе песнь великую, в вышних троекратно воспеваемую.
И ныне:
И раждаеши, и девствуеши, и пребываеши обоюдно естеством Дева.
Рождейся обновляет законы естества, чрево же раждает нераждающее. Бог
идеже хощет, побеждается естества чин: творит бо, елика хощет.
Песнь 5-я
Ирмос: От нощи утренююща, Человеколюбче, просвети, молюся, и
настави и мене на повеления Твоя, и научи мя, Спасе, творити волю
Твою.
31
Согбенней жене подражай, о душе, прииди, припади к ногам
Иисусовым, да тя исправит, и да ходиши право по стезям Господним.
Аще и кладязь еси глубокий – Ты, Владыко, источи ми воду из
Пречистых твоих ребр, да, яко самаряныня, испившая, более не жажду. Ибо
Ты Жизни струи источаеши.
Силоамскою купелию да будут ми слезы моя, Владыко Господи, да
умыю и аз зéницы сердца и духовно вижду Тебе – Свет Превечный.
Преподобная мати Марие, моли Бога о нас!
С несравненным усердием возжелавши поклонитися Древу Жизни, ты,
всеблаженная, сподобилася еси желаемаго. Сподоби и мене достигнути
вышния славы.
Слава:
Тя, Троице, славим, единаго Бога: «Свят, Свят, Свят еси, Отче, Сыне и
Душе, прóстое существо, Едúнице присно покланяемая».
И ныне:
Из Тебе, нетленная, безмужная Мати Дево, облечеся в мой состав Бог,
создавый векá, и усвоил Себе человеческое естество.
Песнь 6-я
Ирмос: Возопих всем сердцем моим к щедрому Богу, и услыша мя от
ада преисподняго, и возведе от тли живот мой.
Аз есмь царская драхма, прежде потерянная Тобою, Спасе, но, возжегши
Светильник – Предтечу Твоего, Слове, взыщи и обрети Твой образ.
Востани и побори, яко Иисус Навин – Амалика, плотския страсти и, яко
гаваонитов – обольстительные помыслы непрестанно побеждая.
Преподобная мати Марие, моли Бога о нас!
Душею распаляемая, дабы страстей пламень угасити, непрестанно
источала еси, Марие, потоки слез, ихже преизобилие подаждь и мне, твоему
рабу.
Преподобная мати Марие, моли Бога о нас!
32
Безстрастие небесное приобрела еси, мати, возвышеннейшим образом
жизни на земле. Темже молися, дабы тебе воспевающим от страстей
избавитися.
Слава:
«Троица Аз есмь прóста, нераздельна, в Лицех разделяемая, и Едúница
Аз есмь, соединенная естеством», - глаголет Отец и Сын, и Божественный
Дух.
И ныне:
Чрево Твое родило нам приявшаго наш образ Бога, Егоже, яко Создателя
всех, моли, Богородице, да молитвами Твоими оправдаемся.
Господи, помилуй (трижды).
Слава:
И ныне:
Кондак
Душе моя, душе моя, востани, что спиши? Конец приближается, и
úмаши смутитися. Воспряни убо, да пощадит тя Христос Бог, везде Сый
и вся исполняяй.
Песнь 7-я
Ирмос: Согрешихом, беззаконновахом, неправдовахом пред Тобою,
Нижé соблюдохом, нижé сотворихом, яже заповедал еси нам. Но не
предаждь нас до конца, отцев Боже.
Изчезóша дние мои, яко сновидение пробудившагося. Темже, яко
Езекия, проливаю слезы на ложи моем, да продолжится время жизни моея.
Но кто, яко Исаия, предстанет пред тобою, душе, аще не Бог всех?
Припàдаю Ти и приношу Тебе, якоже слезы, глаголы моя: «Согрешил аз,
яко не согрешила блудница, и беззаконствовал, яко никтоже иный на земли.
Но ущедри, Владыко, творение Твое и воззови мя.
Закопал аз образ Твой и ни во что вменил заповедь Твою, помрачена во
мне вся красота и страстьми угашена свеща. Но, Спасе, ущедрив, «воздаждь
ми, - якоже поет Давид, - радование».
33
Обратися, покайся, открый сокровенное, глаголи Богу, вся вéдающему:
«Ты знаеши моя тайны, Едине Спасе, но Сам «мя помилуй, - яко поет Давид,
- по милости Твоей».
Преподобная мати Марие, моли Бога о нас!
Возопивши ко Пречистей Богоматери, ты прежде всего отринула еси
неистовство жéстоко свирепствовавших страстей и посрамила еси врага –
обольстителя. Но дáруй ныне помощь от скорби и мне, рабу твоему.
Преподобная мати Марие, моли Бога о нас!
Егоже возлюбила еси, к Немуже стремилася еси, Егоже ради плоть
изнурила еси, преподобная, моли ныне Христа о рабех, да яко милостив,
дáрует мирное состояние всем нам, почитающим Его.
Слава:
Троице прóстая, нераздельная, единосущная, и естество едино, Светы и
Свет, и Свята три, и едино Свято, поется, Бог – Троица. Но воспой, душе,
прослави Жизнь и Жизни – всех Бога.
И ныне:
Поем Тя, благословúм Тя, поклоняемся Ти, Богородительнице, яко из
нераздельныя Троицы родила еси Единаго, Христа Бога и Сама отверзла
нам, сущим на земли, - Небеса.
Песнь 8-я
Ирмос: Егоже воинства небесная славят, и трепещут херувими и
серафими, всякое дыхание и тварь, пойте, благословите и превозносите о
вся веки.
Слезы, Спасе, яко сосуд с миром изливая на главу, взываю к Тебе, якоже
блудница, милости ищущая. Мольбу приношу и прошу, дабы получити мне
прощение.
Аще и никто, якоже аз, не согрешил пред Тобою, но, милосердный
Спасе, приими и мене, со страхом кающагося и с любовию взывающаго:
согрешил пред Тобою единым, помилуй мя, милостиве.
Пощади, Спасе, Твое создание и отыщи, яко пастрь, пропавшаго, упреди
заблудившагося, отыми у волка, соделай мене агнцем на пажити Твоих овец.
34
Егда, Судие, сядеши, яко милосерден, и покажеши страшную славу
Твою, Спасе, внегда пещь горети будет, о, каковый страх предстоит тогда
всем, боящимся нестерпимаго Суда Твоего!
Преподобная мати Марие, моли Бога о нас!
Света незаходимаго Мати тя просветивши, от омрачения страстей
свободила. Темже, вошедши в духовную благодать, просвети, Марие, всех, с
верою тя восхваляющих.
Преподобная мати Марие, моли Бога о нас!
Чудо новое воистину узрев в тебе, мати, ужасашеся божественный
Зосима. Ибо узрел ангела во плоти и удивлением весь исполнился, воспевая
Христа во веки.
Слава:
Безначальне Отче, Сыне собезначальне, Утешителю благий, Дýше
правый, Слóва Божия Родителю, Отца безначальна Слóве, Дýше живый и
созидающий, Троице Едúнице, помилуй мя!
И ныне:
Мысленная багрянúца, Пречистая, - плоть Еммануила внутри, во чреве
Твоем, яко из вещества пурпурнаго, исткалася. Темже Богородицу воистину
Тя почитаем.
Песнь 9-я
Ирмос: Безсеменнаго зачатия Рождество несказáнное, Матере
безмужныя нетленен плод. Божие бо рождение обновляет естества.
Темже Тя вси рóди, яко Богоневестную Матерь, православно величаем.
Умилосердися, спаси мя, Сыне Давидов, помилуй, бесновавшихся
словом изцеливый, глас же милосердный, яко разбойнику, мне рцы: «Аминь
глаголю тебе, со Мною будеши в раи, егда прииду во славе Моей».
Разбойник оскорблял Тя, разбойник же и Богом именовал тя, оба же на
крестах свúсяста. Но, о Милосердне, яко верному разбойнику Твоему,
познавшему Тя Бога, и мне отверзи дверь славнаго Царствия Твоего.
35
Тварь содрогашеся, видящи Тя распинаема, горы и камения от ужаса
распадахуся, и земля сотрясашеся, и ад обнажашеся, и соомрачашеся свет во
дни, видя Тебе, Иисусе, пригвождена ко Кресту.
Достойных покаяния плодов не требуй от мене, ибо сила моя во мне
оскудела, сердце мне даруй всегда сокрушенное, нищету же духовную, да
сия Тебе принесу, яко приятную жертву, едине Спасе.
Преподобная мати Марие, моли Бога о нас!
Удивила еси всех необычайным житием твоим: ангелов чины и
человеков соборы, невещественно поживши и превзойдя естество. Посему
ты, яко безплотная, шествуя стопами, Марие, Иордан прешла еси.
Преподобная мати Марие, моли Бога о нас!
Умилостиви Создателя о хвáлящих тя, преподобная мати, избавитися от
огорчений и скорбей, отвсюду напáдающих, да избавившеся от искушений,
непрестанно возвеличим прославившаго тя Господа.
Преподобне отче Андрее, моли Бога о нас!
Андрее честный, отче треблаженнейший, пастырю Критский,
непрестанно молися о воспевающих тя, да избавимся вси от гнева и скорби, и
болезни, и прегрешений безмерных, с верою чтущии твою память.
Слава:
Отца прославим, Сына превознесем, Божественному Духу с верою
поклонимся, Троице нераздельней, Едúнице по существу, яко Свету и
Светом, Жизни и Жизнем, животворящему и просвещающему вся пределы
вселенныя.
И ныне:
Град Твой сохраняй, Богородительнице Пречистая. В Тебе бо он верно
царствует, в Тебе и утверждается и, Тобою укрепляемь, побеждает всякое
искушение, и пленяет врагов ратников, и содержит их в повиновении.
36