о здравии - Prihod.ru

Молитвы перед началом чтения Псалтири.
Молитвами святых отец наших, Господи Иисусе Христе Боже наш, помилуй нас.Аминь.
Царю Небесный, Утешителю, Душе истины, Иже везде сый и вся исполняй, Сокровище
благих и жизни Подателю, прииди и вселися в ны, и очисти ны от всякия скверны, и спаси, Блаже,
души наша.
Святый Боже, Святый Крепкий, Святый Безсмертный, помилуй нас. (Читается трижды, с
крестным знамением и поясным поклоном).
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония
наша; Святый посети и исцели немощи наша, имени Твоего ради.
Господи, помилуй. (Трижды).
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет
воля Твоя, яко на небеси и на земли. Хлеб наш насущный даждь нам днесь; и остави нам долги
наша, якоже и мы оставляем должником нашим; и не введи нас во искушение, но избави нас от
лукаваго.
Приидите, поклонимся Цареви нашему Богу. (Поклон)
Приидите, поклонимся и припадем Христу, Цареви нашему Богу. (Поклон)
Приидите, поклонимся и припадем Самому Христу, Цареви и Богу нашему. (Поклон)
Чтение очередной кафисмы до первой Славы.
По первой Славе : поминовение о здравии:
Слава Отцу и Сыну и Святому Духу, и ныне и присно и во веки веков. Аминь.
Аллилуйя, Аллилуйя, Аллилуйя, Слава Тебе Боже! (Трижды). Господи, помилуй. (Трижды)
В-первых помяни, Господи, Великого Господина и отца нашего Кирилла, Святейшего
Патриарха Московского и всея Руси, и Господина нашего Высокопреосвященнейшего Ростислава,
архиепископа Томского и Асиновского; Спаси Господи и помилуй настоятеля храма нашего иерея
Максима со сродниками и паствой, благотворителей, благоукрасителей и попечителей о святем
храме Твоем: Андрея, Сергия, Андрея, Сергия, Владимира, Алексия, Сергия, Николая, Иоанна,
Юрия, Димитрия, Михаила, Вадима, Евгения, Людмилы, Рустика, Сергия, строителей: Олега,
Димитрия, Виктора, Виктора, Владимира, Николая, Сергия, Владимира, Игоря, Димитрия, Евгения,
Александра, Димитрия; молящихся о нас и нуждающихся в молитве рабов Твоих: протоиерея
Богдана, протоиерея Олега, иерея Вадима, иерея Евгения, протодиакона Владимира, иеродиакона
Митрофана, монаха Макария, монаха Никона, а также:
ЧИТАЕМ ОБЩИЙ СПИСОК ЗА ЗДРАВИЕ!
Слава Отцу и Сыну и Святому Духу, и ныне и присно и во веки веков. Аминь.
Продолжение чтения очередной кафисмы до второй Славы.
Слава Отцу и Сыну и Святому Духу, и ныне и присно и во веки веков. Аминь.
Аллилуйя, Аллилуйя, Аллилуйя, Слава Тебе Боже! (Трижды). Господи, помилуй. (Трижды)
Поминовение об упокоении:
Помяни, Господи, от жития сего отшедшия православныя цари и царицы, благоверныя
князи и княгини, святейшия патриархи, преосвященныя митрополиты, архиепископы и епископы
православныя; святейшего патриарха Алексия II, митрополита Гедеона, епископа Сергия,
схиархимандрита Макария, схиарх. Софрония, архимандрита Романа, протоиерея Григория,
диакона Александра, монахини Афанасии, мон. Гавриилии, мон. Евфалии, и рабов Твоих во
иерейском чине и в причте церковном и монашеском звании Тебе послужившия в нашем храме:
протоиерея Мстислава, иерея Михаила, иер. Василия, иер. Александра, иер. Стефана, иер.
Вячеслава, иер. Ипатия, иер. Ионы, иер. Мирона, послушников Александра, Димитрия, Иоанна,
Иоанна, Симеона, Александра, Вячеслава, Димитрия, Иоанна, Василия, Александра, Павла,
Анатолия и сродников наших и знаемых:
ЧИТАЕМ ОБЩИЙ СПИСОК ЗА УПОКОЙ!
И в вечных Твоих селениях со святыми упокой. Помяни, Господи, души усопших зде
поминавшихся рабов Твоих, и прости им вся согрешения вольная и невольная, даруя им Царствие
небесное и причастие вечных Твоих благ, и Твоея бесконечныя и блаженныя жизни наслаждение.
Слава Отцу и Сыну и Святому Духу, и ныне и присно и во веки веков. Аминь.
Продолжение чтения очередной кафисмы до третьей Славы.
Слава Отцу и Сыну и Святому Духу, и ныне и присно и во веки веков. Аминь.
Аллилуйя, Аллилуйя, Аллилуйя, Слава Тебе Боже! (Трижды). Господи, помилуй.(Трижды)
Молитва о возсоздании нашей Одигитриевской церкви в с. Зоркальцево:
Господи Отче, собравый нас благоволением Твоим, сотвори нас быти воистину воедину семью,
живущую единым сердцем, единей волей, единею любовию, яко един человек, по предвечному
совету Твоему об Адаме первороднем. Утверди и защити собрание наше и покрый его покровом
Пречистыя Твоея Матере, честнаго Крестителя Твоего Иоанна, преподобных Силуана Афонского,
Максима Исповедника, Серафима Саровского, старцев Оптинских и всех святых, сохраняя же нас
всех от тлетворных помыслов, от неподобающих слов или движений сердечных, могущих разрушити
священное дело нашего служения, и да созиждется обитель сия наша на камне евангельских Твоих
заповедей и да прославится местом исцеления, освящения и спасения, ради всех притекающих к
нему, труждающихся и обремененных братьев и сестер наших, да обрящем все покой в Тебе, кротком
и смиренном Царе нашем, ныне и присно и во веки веков. Аминь.
Спаси, Господи, и помилуй отца моего Духовного иерея Максима, даруй ему душевное
спасение и телесное здравие, огради его молитвами святых Ангел, отгони всякаго, чающаго ему зла.
Господи, не осуди, не истяжи его ради греховной моей жизни, умножи в нем дарования духовныя,
открой ему, Господи, вся моя прегрешения, исполни его мудростию, молитвою и любовию. Ради
святых его молитв даруй моим грехам прощение, жизни исправление, в добродетелях преуспеяние,
ниспосли ему милости Твоя богатыя. Сподоби его, Господи, в день сей (в нощь сию) без греха
сохранитися, побори его враги плотския и бесплотныя, и от видимых и невидимых враг избави его,
изми его от человека льстива и от мужа неправедна, соблюди паству его до кончины его издыхания,
чтобы в покаянии нам придти к тихой и безмятежной жизни. Господи, помяни, посети, укрепи и
сохрани его на многие лета.
О Сладчайший Иисусе! Ты безмерно свят, безмерно праведен, безмерно милосерд, освяти
Твоею святынею отца моего духовного, оправдай его своею праведностию, покрый Твоим
милосердием, исцели его от болезней. Господи, Ты соединил нас на земли, не разлучи нас и в
Небесном Твоем Царствии и святыми его молитвами прости вся моя согрешения, прости и всех его
духовных чад, яко Благ и Человеколюбец. Аминь.
Плюс личные молитвы.
Слава Отцу и Сыну и Святому Духу, и ныне и присно и во веки веков. Аминь.
Святый Боже, Святый Крепкий, Святый Безсмертный, помилуй нас. (Читается трижды, с
крестным знамением и поясным поклоном).
Пресвятая Троице, помилуй нас; Господи , очисти грехи наша; Владыко, прости беззакония
наша; Святый посети и исцели немощи наша, имени Твоего ради. Господи, помилуй. (Трижды).
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля
Твоя, яко на небеси и на земли. Хлеб наш насущный даждь нам днесь; и остави нам долги наша,
якоже и мы оставляем должником нашим; и не введи нас во искушение, но избави нас от лукаваго.
Достойно есть яко воистину блажити Тя Богородицу, Присноблаженную и Пренепорочную и
Матерь Бога нашего. Честнейшую Херувим и славнейшую без сравнения Серафим, без истления Бога
Слова рождшую, сущую Богородицу Тя величаем.