РОЛЬ ХУДОЖЕСТВЕННОЙ ДЕТАЛИ В РАССКАЗЕ А. КЕШОКОВА

Реклама
РОЛЬ ХУДОЖЕСТВЕННОЙ ДЕТАЛИ В РАССКАЗЕ
А. КЕШОКОВА «АЛИЙ ШОГЕНЦУКОВ»
© Бакова З.Х., Малаева Н.И.
Кабардино-Балкарский государственный университет им. Х.М. Бербекова,
г. Нальчик
Художественному анализу подвергается автобиографический рассказ А. Кешокова «Алий Шогенцуков». Он был написан в 1989 г. и был
опубликован при жизни автора. Сюжетной основой произведения послужили воспоминания А. Кешокова об основоположнике кабардинской литературы А.А. Шогенцукове, погибший в концлагере почти в
первые месяцы Великой Отечественной войны, реальные факты и события из жизни этих двух замечательных людей.
В связи с наступающим юбилеем – 100-летием – поэта и прозаика Алима Кешокова, на проходившей в Анкаре (Турция) 2 Международной
конференции по родному (кабардино-черкесскому) языку нами было
внесено предложение обозначить 2014 г. – Годом Алима Кешокова на
всей территории, где проживают черкесы. Представленная статья является частью той большой работы, намеченной на знаменательный год.
Исследование подготовлено на одном из государственных языков
России – кабардинском, на котором было написано само произведение.
Ключевые слова: Год Алима Кешокова, Алий Шогенцуков, Анкара,
Конференция по черкесскому языку, родной язык.
Анкара, Тырку къэралыгъуэм и щыхьэр къалэм, фокIадэ (сентябрь) мазэм и 27, 28, 29 махуэхэм къриубыдэу ЕтIуанэ Дунейпсо Адыгэбзэ ЩIэнIуатэ (Конференцэ) (ДАЩI) щызэхэтащ. ЩIэнIуатэм IуэхуфI куэд кърикIуащ.
Абыхэм дэ щхьэхуэу дытепсэлъыхьынущ. Нобэ утыку къитлъхьэр а
IуэфIхэм ящыщ зыщ. Бзэ форумым игъэуващ адыгэ усакIуэшхуэ КIыщокъуэ
Алим къызэралъхурэ илъэси 100 щрикъу гъэр – 2014 – р Алим и Гъэу.
Алим и тхыгъэхэм я нэхъыбэр зытеухуар къызыхэкIа и лъэпкъыращ –
абы и тхыдэращ, ар художественнэ тхыгъэшхуэуи щрет, публицист тхыгъэ
нэхъ кIэщIыуи ирехъу – лъэпкъым и къэкIуэныращ, и лъапсэращ, и бзэращ,
и цIыхухэрщ.
«Зи лъэрыгъыпс тIыгъа» КIыщокъуэ Алим и рассказыр автобиографие – гукъэкIыжхэр жыхуэтIэ тхыгъэхэм хуэдэщ, 1989 гъэм итхащ. Iыхьиблу зэхэтщ, апхуэдэу зэпыудауэ щыт пэтми, къэIуэтэкIэ хьэлэмэтым, Iыхьэхэр зы сюжет гъэщIэгъуэну зэхегъэувэж.
ЩоджэнцIыкIу Алий и гъащIэр къызэрекIуэкIар – фIыгъуэу лъэпкъым
хуищIар, зыхэпсэукIа лъэхъэнэ зэхэзэрыхьам и нэщэнэхэр, бэлыхьу зыхэтар,

Профессор кафедры Литературы и фольклора народов Северного Кавказа, доктор филологических наук.

Соискатель кафедры Литературы и фольклора народов Северного Кавказа.
Литература
39
и кIуэдыжыкIэ хъуар, усакIуэм Алим и гъащIэм щиубыда увыпIэр – ахэращ
нэхъыбэу гукъэкIыж хъыбарыр зытеухуар. Рассказыр, япэ щIыкIэ 1999 гъэм
Налшык къыщыдэкIауэ щыта «Хъыбархэр» тхылъым итащ [3], къинэмыщI,
КIыщокъуэм и тхыгъэхэр щызэхуэхьэса томихым и 5 – томым иужьрей
хъыбару итщ [4, с. 518-550].
Хъыбарыр къыщIедзэ, тхакIуэм зэрихабзэу, мыпIащIэу, къыдэущийуэ,
иджыпсту зы бэлыхь гуэрым дригъэдэIуэнущи, зэхэдмыхынкIэ, къыдгурымыIуэнкIэ Iэмал иIэкъым, жыуигъэIэу.
«Япэу зыщIам, тIу ищIащ» жыхуиIэ художественнэ Iэмал рассказыр
къызэрыщIидзэр, занщIэу ди усакIуэшхуэ Алий и характеристикэ мэхъури,
прозаикым а Iэмал ищIар тхыгъэ псом лъэщ дыдэу щегъэлажьэ.
Алим япэ дыдэу Алий щилъэгъуар, щицIыхуар ар Бахъсэн интернатым
щыщыIарат, адыгэбзэмкIэ езыгъаджэу щыта ЛIыгъур Ибрэхьим и пIэкIэ
къагъэкIуауат Алий: «Япэм ЛIыгъур Ибрахьим нэхъ бжьыфIэу, егъэджакIуэм нэхъ ещхьу къытфIэщIа щхьэкIэ, иджы Алий нэлейкIэ деплъ хъуащ, езыри нэжэгужэу, цIыкIум задигъэцIыкIуу, иным задигъэину, Iэпкълъэпкъ жан
иIэу гу лъыттащ…» [3, с. 4].
Мы цIыхушхуэхэр зэрыхуэзэрэ зэман куэдыщэ блэкIами, а лъэхъэным
хэкум и кIуэцIкIэ зыкъом къыщыхъуащи, зыщыбгъэгъубщэну ухуежьэми,
пхузэфIэкIынукъым, Алим зэритхыжымкIэ, – «зи гугъу сщIынур ЩоджэнцIыкIу Алий дэсщIэу щытаращ».
Япэ дыдэу Алим итха усэхэр зригъэлъэгъуауэ щытар ЩоджэнцIыкIу
Алийти: «АтIэ аращ: жыгым къыпыкIэ и уасэщ. Тхьэм гъащIэ къуит. Уи
адэм ещхь узэрыхъужар ищIамэ, гуфIэнт», къыжриIат.
ЦIыхур и бзэмкIэ мыпсалъэжмэ, бзэр пIэщIэхун жыхуэпIэр куэдрэкъым.
Мы дуней мылъкур цIыхум, лъэпкъыр зэрылъэпкъыу къехъулIами, и гуэн из
хъунукъым, и бзэр IэщIыб ищIыжамэ. ЩIалэр щIалэху, ар къафIэIуэхукым,
ауэ я мардэр къосри щIогъуэж, я IэфракIэм йодзэкъэж.
«Бзэри псэущхьэм хуэдэщ, – жиIэрт Алий, – цIыхум и акъылым зэрызиужьым хуэдабзэу бзэми зеужь, абдежым къыщымынэу зи бзэр IэщIыб
зыщIрэ езым и мыбзэкIэ псалъэу ежьэжым я культурэр лъапэзэвыпIэ йоувэри и фэкIи и купщIэкIи зэкIуэкIыурэ фагъуэ мэхъур. Зи культурэ нэд хъуа
лъэпкъым я лъапсэри имыгъукIыну Iэмал иIэкъым…» [3, с. 199].
«Адыгэбзэр илъэс мин IэджэкIэ къэгъуэгурыкIуауэ хьэрыпми, монголми,
тэтэрми, къелауэ, мафIэми ирамыгъэсу, лъыпсым ирамыгъэхьу яхъумар дэ
тIэщIэкIуэдыкIмэ, диужькIэ къэхъуну лIэщIыгъуэм сыт хуэдэ гыбзэкIэ я гум
дыкъэмыкIми, тхуэмыфащэу пIэрэ? УбзэмыIумэ, укIуэдащи, уи щIыналъи
пхуэхъумэнукъым. Ар хьэкъкIэ тIуми ди фIэщ хъурт», – етх Алим [3, с. 200]
ЗэрытщIэщи, зауэр къызэрыхъейуэ Алий фронтым дашащ, езыр кIуэдыкIейр и махуэу, нэмыцэм гъэру яубыда нэужь, Iуэм шхын щхьэкIэ илIыхьащ. Алий зэрыщымыIэжыр и адэ фIэкIуэдам хуэдэу и гум щIыхьат Алим.
Зэритхымк1и, «ЩоджэнцIыкIу Алий ди литературэм и къалащхьэт, къэнэжари а зырати, ямыгъакIуэу, къагъэнамэ, IэджэкIэ нэхъ сэбэп хъунут» [3, с. 201]
40
ИНТЕЛЛЕКТУАЛЬНЫЙ ПОТЕНЦИАЛ XXI ВЕКА: СТУПЕНИ ПОЗНАНИЯ
Гур зэрыгъум дыгъур кърикIуащ. Алим зэик1 шэч къытрихьакъым,
ЩоджэнцIыкIу Алий «къуэш укI» политикэм щIапIыкIам дзыхь къыхуамыщIу, кIуэдыкIэ хуэлъыхъуэу фронтым зэрагъэкIуам. И жагъуэ дыдэуи
итхыжат, а Iуэхум теухуауэ зи дзэ шын унафэщIхэм къазэрыхэмык1ар.
Тхыгъэр мыпхуэдэ псалъэхэмкIэ еух: «Алий япэ шэсам ящыщщ. И псэр
дзапэкIэ иIыгъыу къэгъуэгурыкIуами, хиша лъагъуэр гъуэгу хъуащи, и Iэдакъэ щIэкIа псом уаситI хуэгъэувыпхъэщ. Ар гугъу зэрехьари дощIэ, ауэ
зыгъэгумэщIа дэ тIуэтэжащи, ди ужь къиувэр нэхъ тегушхуапхъэщ» [3, с. 202].
«Зи лъэрыгъыпс тIыгъа» хъыбар – гукъэкIыжыр теухуащ пщIэну щхьэпэ Iуэхугъуэхэм – ди культурэм, тхыдэм щыщ пычыгъуэхэм. Адыгэ лъэпкъым и дежкIэ икъукIэ мыхьэнэшхуэ иIэщ мыпхуэдэ гукъэкIыжхэм. Мы зы
тхыгъэм къыхэщыжащ Iуэхугъуэ зытIущрэ, личность жыхуаIэхэм хуэдэ зыщыплIрэ. Ахэр: Бахъсэн интернатыр зэрылэжьар, «Бахъсэн событэкIэ» зэджа Iуэхур, ЛIыгъур Ибрагим Соловки зэрагъэкIуар, ЩоджэнцIыкIу Алий,
ЦIагъуэ Нурий, ПащIэ Бэчмырзэ, Къэтхъэн Назир, Къалмыкъ БетIал, Борыкъуей ТIутIэ, Къэжэр Индрис, н. Тхыгъэм и зы Iыхьэ бзэм и къэкIуэнум
теухуащ.
Список литературы:
1. Бакова З. Алим Кешоков. – Нальчик, 2010.
2. Кауфов Х. Головной журавль свой путь выбирает сам // КабардиноБалкарская правда. – 22 июля 1999.
3. КIыщокъуэ А. Хъыбархэр. – Налшык, 1999.
4. КIыщокъуэ А. Тхыгъэхэр томихым щызэхуэхьэсауэ. 5 том. Хъыбархэр. – Налшык, 2006.
5. Сокъур М. Тхыгъэхэр. – Налшык, 1995.
Скачать