Кужмоялоз-а удмуртъёс пӧлын Христианство? Кужмоялоз

Религия
Туннэ «Инвожо»-ын куноын –
Ижкарысь Свято-Михайловский
храмысь иерей Павел Григорьев.
Кужмоялоз-а
Кужмоялоз-а
удмуртъёс
удмуртъёс
пӧлын
пӧлын
Христианство?
Христианство?
Пётр Захаров. Отец Павел, ку Тӥ нырысьсэ Инмарез тодӥды?
Отец Павел. Ӵужмуртэлэн верамезъя, мон пичи дыръям ик вӧсяськисько ни вал. Оло пыдесъяськыса, оло кирос тырыса, созэ уг тодӥськы. Но чаклано ке, анай выжыям но, атай выжыям но адямиос котьку вӧсяськизы.
Пётр Захаров. Соос Черке но ветло вал-а?
Отец Павел. Озьы меӵак шуыны уг луы, дыр. Гуртъёсын Черкъёс соку ӧй вал ук. Нош городэ потыны сюресъёс лябесь вал, транспорт ӧй вал. Али со – пуксид но кошкид, котькудӥзлэн сямен машинаез вань. Нош соку секыт вал. Соин ик доразы вӧсяськизы. Обросъёссы котькуд коркан вал. Библиоссэс но лушкем возё вал. Мон тазьы малпасько: удмуртъёс котьку Инмарез тодӥзы, соос ноку вӧсяськытэк ӧз улэ. Пётр Захаров. Иське, школаос зол ужазы адямиез атеист карон ласянь?
Отец Павел. Таиз сярысь меӵак озьы вал шуыны уг луы. Дышетӥсьёс пӧлын но вал 52
«Инвожо» № 4 2013
Инмарлы оскисьёс, но соос кышказы со вакытлэн политикаезлэсь. Соин ик дышетӥсь Инмар сярысь ӧз вераськы, оскон сярысь ӧз валэкты. Пётр Захаров. Нош анай-атайёс? Отец Павел. Анай-атайёс – мукет ужпум. Семья со самой пичиез но со дыре ик Инмарлы самой матысез котыр, кытын Инмарлы оскон яке юнма, яке тӥяське. Удмурт анай-атайёс котьку утьыны тыршизы со ненег ӝуась осконэз, соос валало вал, Инмартэк улыны уг луы шуыса. Соин ик тросэз удмуртъёс нылпиоссэс лушкемен крестить карылӥзы. Киросъёссэс, дышетӥсьёс медаз адӟе шуыса, нылпиоссылэн кисыосазы тырылӥзы яке дӥськут бордазы пуш палаз вурылӥзы. Мыным но анае дышетскыкум ялан киросме кисыям тыре вал. Пётр Захаров. Нош Тӥледды кызьы крестить каризы?
Отец Павел. Дас арес дыръям Троицкой храмын пыртӥллям. Пётр Захаров. Отец Павел, Тӥ шуиськоды, удмурт калык оскись калык. Малы со озьы?
Отец Павел. Удмурт со гурт адями ук, нош гуртын улӥсьлы сиён капчиен ӧз сётскы. Со ужаса поттэм сиёнэныз улэ. Нош ужась адямилы нокызьы но оскытэк уг луы. Солэн бусыяз, нянез мед удалтоз шуыса, кинлы со вазиськыны кулэ? Инмарлы. Пудоез таза но сӧл мед луоз шуыса – кинлы? Инмарлы. Соин ик кытчы гинэ со уг вамышты, кытчы гинэ уг поты, кыӵе гинэ уж борды уг басьтӥськы, со одно ик Инмарлы вӧсяське вал. Нырысь, кызьы даурысь дауре сое дышетӥзы, со вӧсяське вал вашкала инмаръёсызлы, нош христианство вӧлмем бӧрсьы озьы ик оскыса со вӧсяськиз Иисус Христослы. Пётр Захаров.Удмурт, котьма ке но, ас сяменызгес оске. Сое шуыны луэ ӝыныё христианин, ӝыныё язычник. Тани шай вылэ со аслаз нуналаз но ветлэ, христианской нуналъёсы но. Яратэ Сабантуй, Гербер, Гершыд но уно мукет праздникъёсты. Кызьы та шоры учконо? Отец Павел. Мыным потэ удмуртъёслэн осконзы, со копак ӟучъёслэн кадь луоно ӧвӧл, дыр. Учконо ке, пӧртэм интыосысь христиан осконъёслэн асьсэлэн, асьсэ культуразылы тупась тодметъёссы вань. Мон малпасько, сыӵе висъяськонлэсь кышкано ӧвӧл. Татын главноез – адями Инмарен мед луоз, нош священник мед быгатоз солы юрттыны, йыромон сюреслэсь утьыны.
Пётр Захаров. Быгатысалмы-а асьмеос удмурт христианствоез адӟыны, кытын ваньмыз удмурт луыны быгатоз: служба, исповедь, книгаос, вузчиос, черк суредъёсын гожтэмъёс?
Отец Павел. Луонлык со котьку вань. Инмар сётэ ук, куриськод ке солэсь. Ачиз удмурт калык куриз ке, со кылдоз.
Пётр Захаров. Нош оскисьтэмез адями вань-а?
Отец Павел. Чик оскисьтэм адямиос туж ӧжыт. Тани атеистъёс шуиськом ке, со тожо религия, со тожо оскон. Озьы кельше ке адямилы, озьы ик со улэ ни. Мон малпамъя, со гордыня адямиез сыӵе каре. Пётр Захаров. Тау, отец Павел. Таин асьмеос йылпумъялом туннэзэ вераськонмес. Милям потэ номерысь номере Тӥледын таӵе вераськонъёс нуэммы. Тӥ, малпаськомы, соглаш луоды вуоно номеръёсын лыдӟисьёсмылэн юанъёссылы валэктонъёс сётыны?
Отец Павел. Конечно.
53