На Стиховне стихиры, глас 4: Подобен: Дал еси знамение:


На Стиховне стихиры, глас 4: Подобен: Дал еси знамение:
Дал еси украшение Церкви Твоей, Го=споди,/ честныя и многоцелебныя
мо=щи/ преподо=бнаго Сергия Твоего уго=дника:/ и яко утварь царскую имущи
красу=ется,/ и яко венец пресветлый носяще весели=тся,/ созыва=ющи своя чада, ихже водою и духом ева=нгельски породи=./ Темже Твое человеколюбное
смотрение сла=вим,\ Иисусе, Человеколюбче, и Спасе ду=ш наших.
Стих: Честна пред Господем/ сме=рть преподо=бных Его=.
Дал еси державу необориму царствующему граду Москве, Господи, и всем
Российским странам утверждение: честней же обители твоей твердое укрепление и стену непоколебиму, цельбоносныя и святыя мощи преблаженнаго
Сергия Твоего рачителя. Тем Твоя человеколюбныя щедроты славим, Иисусе
всесильне, и Спасе душ наших.
Стих: Блажен муж, бояйся Господа,/ в заповедех Его восхощет зело.
Дал еси Российскому Отечеству, Господи, твердое защищение и оружие спасения, и воем Его великое на сопротивныя одоление, святителем же честное
украшение, и всем болящим врачевство безмездно, святыя мощи преподобнаго и треблаженнаго Сергия. Ихже ныне радостно облобызаем, исцеления
различныя приемлюще, Твое неизреченное милосердие славим, Иисусе Благосерде, и Спасе душ наших.
Слава, глас 8:
Монахов множества наставника тя почитаем,/ отче наш Сергие:/ твоею бо
стезе=ю вои=стинну/ пра=во ходити позна=хом./ Блажен еси Христу рабо=тав,/ и
вражию обличи=л еси си=лу,/ а=нгелов собесе=дниче,/ преподобных сопричастниче и пра=ведных:/ с нимиже моли=ся Го=сподеви,\ помиловатися душа=м нашим.
И ныне, Богородичен, глас тойже:
Безневе=стная Де=во,/ Яже Бога неизреченно заченши пло=тию,/ Мати Бо=га
Вы=шняго,/ Твои=х рабов мольбы приими, Всенепоро=чная,/ всем подающи
очищение прегреше=ний:/ ныне наша моле=ния прие=млющи,\ моли спастися
все=м нам.

На благословении хлебов, тропарь, глас 8:
От юности восприял еси Христа в души твоей, преподо=бне,/ и па=че всего вожделел еси мирскаго мятежа уклони=тися,/ му=жески в пусты=ню всели=лся еси=/ и
ча=да послушания в ней, плоды смирения, возрасти=л еси=./ Те=м быв Тро=ице
вселе=ние,/ чудесы твоими всех просветил еси, приходящих к тебе ве=рою, / и
исцеле=ния всем подая оби=льно.\ Отче наш Сергие, моли Христа Бога, да спасет души на=ша.
На Утрени тропарь преподобнаго. Дважды.
Слава и ныне, Богородичен, глас тойже:
Иже нас ради рождейся от Де=вы/ и, распятие претерпе=в, Благи=й,/ испровергий сме=ртию сме=рть/ и Воскресение явлей я=ко Бо=г,/ не пре=зри, яже создал
еси рукою Твое=ю;/ яви человеколю=бие Твое, Ми=лостиве./ Приими ро=ждшую
Тя, Богородицу, моля=щуюся за ны=,\ и спаси, Спа=се наш, люди отча=янныя.
Полиелей.
Величание:
Ублажа=ем тя,/ преподобне отче Се=ргие, / и чтим святую па=мять твою,/ наставниче мона=хов\ и собесе=дниче ангелов.
Псалом избранный:
Терпя=, потерпе=х Го=спода, и внят ми, и услы=ша моли=тву мою=. Поста=ви на
ка=мени но=зе мои и исправи стопы= моя=. Се удали=хся, бе=гая, и водвори=хся в
пусты=ни. Уподо=бихся нея=сыти пусты=нней. Бдех и бых, яко птица,
осо=бящаяся на зде. Коле=на моя= изнемого=ста от поста=, и плоть измени=ся еле=я
ради. Слеза=ми мои=ми посте=лю мою= омочу=. Яко обыдо=ша мя пси мно=зи, сонм
лукавых одержа=ша мя. Напряго=ша лук свой вещь го=рьку, состреля=ти в та=йнах
непоро=чнаго. Презре=х Го=спода предо мною вы=ну, яко одесну=ю мене= есть, да
не подви=жуся. Вси языцы обыдо=ша мя, и именем Госпо=дним противля=хся им.
Благословен Господь, Иже не даде= нас на лови=тву зубо=м их. Да исповедятся
Тебе=, Господи, вся дела= Твоя=, и преподо=бнии Твои да благословя=т Тя. И
уве=дите, я=ко удиви= Госпо=дь преподо=бнаго Своего=. И утруди=ся во век, и жив
бу=дет до конца=. Хранит Господь души преподо=бных Своих. Восхва=лятся преподо=бнии во сла=ве и возра=дуются на ло=жах свои=х. Честна= пред Го=сподем
смерть преподо=бных Его=, исповедайте память святыни Его, во всех лю=дех чудеса= Его. Слава, и ны=не: Аллилу=ия: Трижды.

Степенна, 1-й антифон 4-го гласа.
Прокимен, глас 4: Честна пред Господем/ смерть преподобных Его.
Стих: Что воздам Господеви о всех, яже воздаде ми;
Всякое дыхание:
Евангелие от Матфея.
Слава: Молитвами святаго преподобнаго отца Се=ргия/ милостивее очисти:
И ныне: Молитвами Богородицы:
Помилуй мя Боже:
Таже, по 50-м псалме стихира, лас 8:
Преподобне о=тче,/ мира красоту и сладость вре=менную/ отнюд возненави=дел
еси=,/ монашеское житие па=че возлюби=в,/ и Ангелом собеседник быти сподо=бился еси=,/ и светильник многосветлый Росси=йския земли=,/ чудесми якоже
второе солнце сия=я./ Но все=х нас помина=й,/ совершающих священную
па=мять твою=:/ мы бо ча=да твоя=,/ и овцы словесных твоих уче=ний,/ и тя на помощь призыва=ем,\ просящи тобою прияти мир и ве=лию ми=лость.

Канон Богородицы со ирмосом на 6:
Песнь 1
Ирмос: Воду проше=д яко су=шу,/ и египетскаго зла= избежa=в,/ изрaильтя=нин
вопия=ше:\ избaвителю и Богу на=шему поим.
И преподобнаго Сергия на 8. Глас 4. Ирмос: Пределив пучину чермную Бо=г,/
фараона погрузи=вый в не=й,/ проведав Моисея немокренно в пусты=ню,/ и
одождив манну в снедь людем изра=илевым,\ я=ко си=лен.
Катавасия: Отве=рзу уста моя=,/ и напо=лнятся Ду=ха,/ и слово отрыгну Царице
Ма=тери,/ и явлюся светло торжеству=я,\ и воспою ра=дуяся Тоя= чудеса=.
Песнь 3
Ирмос: Небе=снаго кру=га/ Верхотворче, Го=споди,/ и Це=ркве Зижди=телю,/ Ты
мене утверди в любви= Твое=й,/ желaний крaю, верных утвержде=ние,\ еди=не
Человеколю=бче.
Преподобнаго Сергия. Глас 4: Ирмос: Да не хвалится мудр хваля=йся,/ но о
сем, еже разумева=ти,/ яко несть свят, якоже Бо=г наш,/ возносяй ро=г наш,\
даяй крепость царе=м на=шим.
Катавасия: Твоя песнословцы Богоро=дице,/ живый и незави=стный исто=чниче,/ лик себе совокупльшия, духовно утверди=,/ в божественней Твоей
сла=ве\ венцев сла=вы сподоби.
Песнь 4
Ирмос: Услышах, Го=споди,/ смотрения Твоего тa=инство,/ разуме=х дела=
Твоя\ и прослa=вих Твое= Божество=.
Преподобнаго Сергия. Глас 4: Небеса добродетель твоя покры=ла есть,/ и земля исполнися славы Твоея=, Христе=./ Темже ве=рно вопие=м:\ слава си=ле Твоей,
Го=споди.
Катавасия: Седя=й в сла=ве,/ на престоле Божества,/ во облаце ле=гце,/ прии=де
Иису=с Пребоже=ственный,/ нетленною дла=нию,/ и спасе зову=щия:\ слава,
Христе=, силе Твоей.
Песнь 5
Ирмос: Просвети нас повелении Твоими, Го=споди,/ и мышцею Твоею высо=кою/ Твой ми=р подa=ждь нам,\ Челове=колю=бче.
Преподобнаго Сергия. Глас 4: Ча=сть моя еси, Го=споди,/ и слава лица= моего=:/
Ты бо мя из тьмы неве=дения/ един избавил еси благоразу=мием./ И Тебе мо-

лю=ся, Христе=./ Даруй рабу= Твоему ми=р,\ я=ко Человеколю=бец.
Катавасия: Ужасошася вся=ческая/ о божественней сла=ве Твое=й:/ Ты бо Неискусобрачная Де=во,/ имела еси во утробе над всеми Бо=га,/ и родила еси
Безлетнаго Сы=на,/ все=м воспева=ющим Тя=\ ми=р подава=ющая.
Песнь 6
Ирмос: Молитву пролию ко Го=споду,/ и Тому возвещу печа=ли моя=,/ яко зол
душа моя испо=лнися,/ и живот мой а=ду прибли=жися,/ и молюся я=ко Ио=на:\ от
тли, Бо=же, возведи= мя.
Преподобнаго Сергия. Глас 4: Да не погрузи=т мене буря водна=я,/ ниже= пожре=т мене= глубина:/ отвержен бо есмь во глубины сердца морскаго зол моих./ Тем зову, яко Иона:\ да взыдет от тли зол живо=т мой к Тебе, Бо=же.
Катавасия: Божественное сие и всечестно=е/ соверша=юще пра=зднество/ богомудрии Богома=тере,/ приидите руками восплещим,\ от Нея рождшагося Бо=га
славим.
Кондак преподобнаго, глас 8:
Днесь яко солнце пресве=тло,/ возсиявши от земли честныя мощи твоя, нетленны обрето=шася,/ яко благоуханный цвет, множеством чудес сия=юще,/ и
всем верным источающе различная исцеле=ния,/ и веселяще избранное твое
ста=до,/ еже мудре собрав и добре па=ствил еси=,/ о нихже и ныне Троице предстоиши моля=ся,/ да вси вопие=м ти=:\ ра=дуйся, Се=ргие Богому=дре.
Песнь 7
Ирмос: От Иудеи дошедше о=троцы,/ в Вавило=не иногдa=,/ верою Троическою
плaмень пещный попрa=ша, пою=ще:\ отцев Бо=же, благослове=н еси=.
Преподобнаго Сергия. Глас 4: Не предаждь нас до конца/ и=мене Твоего
ра=ди,/ и не разори сове=та Твоего=,/ и не остави милости Твоея от нас,\ Господи Боже отец наших, препе=тый во ве=ки.
Катавасия: Не послужиша твари богому=дрии/ па=че Созда=вшаго,/ но огненное
прещение мужески попра=вше,/ радовахуся пою=ще:\ препетый отцев Господь
и Бо=г благослове=н еси.

Песнь 8
Ирмос: Царя= Небе=снаго,/ Егоже поют вои a=нгельстии,\ хвалите и превозноси=те во вся ве=ки.
Преподобнаго Сергия. Глас 4: Вся=ческая, Влады=ко,/ прему=дростию Твоею
соста=вил еси=,/ земли= же паки утвердил еси, якоже ве=си,/ дно, основанием водрузивый на водах безме=рных./ Тем вси вопием, воспева=юще:/ благословите,
дела Госпо=дня,\ непреста=нно Го=спода.
Катавасия: Отроки благочестивыя в пещи=,/ Рождество Богородичо спасло=
есть,/ тогда убо образу=емое,/ ныне же де=йствуемое,/ вселенную всю воздвизает пе=ти Тебе=:/ Го=спода пойте дела=,\ и превозносите Его= во вся веки.
Песнь 9
Ирмос: Вои=стинну Богоро=дицу/ Тя= испове=дуем,/ спасеннии Тобою, Дево
чи=стая,\ с безплотными лики Тя= величa=юще.
Преподобнаго Сергия. Глас 4: Моисей на горе неопалимую купину ви=де,/ Иосиф в вертепе неизреченное рождество слы=ша,/ нескверная Де=во,/ безмужная Ма=ти,\ песньми Тя, Богоро=дице, велича=ем.
Катавасия: Вся=к земноро=дный/ да взыграется Духом просвеща=емь,/ да торжествует же безплотных умо=в естество=,/ почитающее священное торжество=
Богома=тере,/ и= да вопие=т:/ ра=дуйся Всеблаже=нная\ Богородице, Чи=стая
Присноде=во.